Ribadeo, 29 de abril de 2018. Un total de 16 representantes de empresas asistiron onte, sábado, en Ribadeo á nova fin de semana tecnolóxica que organizou Apaga, a Asociación de Profesores de Automoción de Galicia, que preside Álvaro Doural.
O curso versou “sobre as pequenas comprobacións de utilización de equipos de diagnose para despois realizar as reparacións oportunas”. Impartiuse en horario de mañá e tarde nas instalacións do hotel O Cabazo, en Ribadeo.
Álvaro Doural fixo un balance moi positivo desta nova cita “xa que contamos con 16 persoas, de diferentes empresas, procedentes de Avilés, Xixón, Ferrol, Pontevedra, Viveiro e Ribadeo. Estamos contentos porque está collendo bastante forza todo o relativo aos cursos pola gran necesidade que hai de formación, debido aos cambios tecnolóxicos que se están producindo nos vehículos continuamente”.
O presidente de Apaga subliñou que “ata este momento as fins de semana tecnolóxicas foron unha proba de cómo podía funcionar isto. E debido aos resultados acadados a idea é potenciar ao máximo a formación. É importante dar un servizo ao sector empresarial, ao que é a formación continua dos traballadores en activo”.
Doural anunciou que “se vai facer un estudo o mes de maio, das necesidades. Vanse visitar as empresas e os talleres e vanse valorar mediante unha pequena enquisa as súas necesidades. Despois imos mirar de deseñar unha serie de cursos que respondan ás necesidades desta xente que está traballando. Penso que é unha obrigación nosa, como asociación sen ánimo de lucro, potenciar a formación profesional”.
Apaga potenciará a formación. Este é un dos seus obxectivos para os vindeiros meses. Este pasado sábado, 16 persoas recibiron un curso en Ribadeo
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
