Burela 8-5-18. Este mércores 9 de maio preséntase en Madrid, no marco do “Salón de Gourmets” e dentro do programa da Confederación Española de Pesca (CEPESCA), a “Guía de Boas Prácticas: cara unha pesca sostible e responsable” que acaba de editar a Organización de Produtores Pesqueiros de Lugo (OPP7).
Esta guía nace para recopilar as boas prácticas dos socios da OPP Lugo en términos socio-laborais, de actividade, medioambientais e de comercialización. O xerente da OPP, Sergio López, encargarase da presentación da guía no stand co que CEPESCA conta na feira do Salón Gourmet.
Ademais da presentación da guía, os visitamtes terán a posibilidade de degustar unha selección de produtos pesqueiros, entre os que destacan os promocionados pola OPP Lugo: a pescada do pincho de Burela, como especie de maior importancia comercial na súa lonxa, e a cabala, como un peixe azul de temporada de importante rentabilidade para as flotas de cerco e arrastre de litoral.
O Salón de Gourmets, que se está celebrarando esta semana en Madrid, serve de magnífico escaparate de promoción dos produtos pesqueiros da costa de Lugo. A OPP Lugo participa dentro do espacio “El Mapa de los Sabores del Mar” de CEPESCA, no que se destacan a orixe, a zona e arte de pesca coa que se captura cada especie, así como as súas principais propiedades nutritivas e gastronómicas.
ÚLTIMA HORA
- Catuxa Salom na Conservera de Viveiro
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick. - O conselleiro de Cultura, José López Campos, e a deputada Iria Castro participaron este venres na XXXV Festa da Filloa de Muimenta, unha celebración declarada de Interese Turístico de Galicia que encheu o recinto feiral Manuel Vila ao longo da xornada
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira. - O Deputado de Medio Ambiente, Carlos López, participou este venres xunto ao Alcalde da Pontenova, Darío Campos, na 46 edición da Festa da Troita
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez. - Ata este domingo celébrase O Festival da Ostra de Castropol
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - O Instituto de Estudos Chairegos (IESCHA), coa colaboración do Concello de Vilalba, organiza o acto de presentación do libro Memorias dun porco teixo, de Xosé Manuel Felpeto Carballeira, publicado pola Editorial Tris Tram
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba. - A Vicepresidencia da Deputación apoia a participación do Castro FSF na fase final da Copa da Raíña de Fútbol Sala, que se disputa esta fin de semana en Móstoles
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento. - O Teatro Pastor Díaz de Viveiro acollerá este sábado 2 de maio, ás 20:30 horas, a representación da obra “Los hombres no mienten”, a cargo do grupo local Andanzas
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
2021 Crónica 3 A Mariña - Implementado por GaliciaDigital