Ribadeo, 10 de maio de 2018. Malestar entre os negocios da rúa San Roque, de Ribadeo, tras o escape de gas que se produciu pasadas as catro da tarde. Acisa denuncia esta situación e o perigo que supuxo tanto para os veciños e veciñas como para os locais comerciais e hostaleiros desa vía.
O presidente de Acisa, Francisco Iriarte, que ten o seu negocio desa rúa explica o sucedido: “pasadas as catro da tarde comezamos a notar un forte cheiro a gas diante da nosa porta, incluso se escoitaba perfectamente o escape. Os traballadores da empresa que está a realizar esta importante obra, que é Copcisa, non foron capaces de desaloxar aos veciños e veciñas da rúa San Roque, non tiveron ningunha capacidade de reacción. Fomos os propios empresarios e traballadores os que nos encargamos de avisar á veciñanza, a unha ludoteca que está aí ao lado, tivemos que parar o tráfico. Non foron quen nin de avisar ao Concello”.
Iriarte seguiu a relatar que “a empresa do gas tardou arredor de 45 minutos ou máis en chegar e os bombeiros uns 40 minutos, pero neste caso non sabemos cando foron avisados. A Policía Local tardou bastante en chegar á zona. O cheiro a gas era moi forte. Sabemos que cando hai obras poden producirse algúns problemas coma este, pero hai que ter capacidade de reacción por parte de calquera empresa que sexa seria”.
Para o presidente de Acisa “xa non é o normal que nunha obra deste calibre estea a ser realizada por dúas ou tres persoas. Suponse que ten que estar rematada a finais de xuño ou principios de xullo, antes da festa indiana. E visto o visto empezamos a ter serias dúbidas. Alguén deberá responsabilizarse de todo isto”.
Francisco Iriarte considera que “a empresa debe facerse cargo dos prexuízos ocasionados ás empresas da rúa San Roque esta tarde, porque estiveron moito tempo sen poder traballar”.
Desde Acisa agradecen a actuación de Viaqua, de Protección Civil de Ribadeo e dos bombeiros do parque comarcal de Barreiros, “xa que a incapacidade amosada polos tres operarios de Copcisa e da empresa subministradora do gas, facía prever o peor e que incluso puidera haber unha desgracia”.
O xerente de Acisa, Jesús Pérez, engade que “fomos as persoas que estabamos na zona, nas empresas e na rúa, as que tivemos que organizar o caos que se estaba a vivir e a resposta que obtivemos por parte dos operarios foron malas palabras e unha falla de educación e respecto total e absoluta. Entendemos o nerviosismo que un escape de gas pode ocasionar, pero o que non se deben perder son os bos modais”.
Ás cinco e media da tarde aproximadamente traballadores e empresarios puideron volver aos seus postos.
Malestar entre os negocios da Rúa San Roque, de Ribadeo, tras o escape de gas que se produciu pasadas as catro da tarde. Acisa denuncia o caos vivido , xa que a empresa que realiza as obras de remodelación dese vial non foi quen de reaccionar diante desta situación
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
