NOTA DE PRENSA
A APORTACIÓN EXTRAORDINARIA ANUNCIADA POLA XUNTA PARA REPARAR OS DANOS DA RIADA E RIDÍCULA
Os nacionalistas esixen fondos extraordinarios para axudar a particulares e empresas así como á entidade local cervense a recuperar os cuantiosos danos ocasionados o pasado sábado
Os nacionalista acusan á administración de non controlar a correcta limpeza dos montes despois das cortas co resultado da formación de balsas que ao rebentar ocasionaron fortes subidas do nivel no río
Cervo, 26 de xaneiro de 2010. O BNG cualificou de ridícula a contía económica disposta pola Xunta para paliar os danos ocasionados polas riadas do pasado sábado na Mariña. Os nacionalistas consideran ridícula a cantidade de 100.000 euros como medida de choque para recuperar o leito dos ríos ou as pontes danadas xa que só cos danos ocasionados no concello de Cervo esta cantidade só daría para empezar. O BNG demandou a cuantificación dos danos producidos e a aprobación dun paquete de medidas urxentes para axudar a particulares, empresas e concellos a recuperar as infraestruturas e bens públicos e privados danados pola enchente. Ademais dende o BNG denunciaron a responsabilidade do goberno local e da Xunta de Galiza no control da reposición de pistas e cauces fluviais nos montes danados nas sacas de madeira que provocaron aluvións de auga cargados de restos de madeira e troncos co posíbel creación de balsas que ao rebentar provocaron unha subida de nivel dos ríos case instantánea.
O goberno local debe avaliar o conxunto dos danos producidos e reclamar da Xunta de Galiza apoio económico para recuperar os bens públicos e privados danados
O portavoz municipal nacionalista, Xoán Estúa, anunciou a presentación dunha batería de preguntas para coñecer as accións que está a levar a cabo o goberno local para avaliar os danos producidos no concello pola riada do sábado 23 a fin de reclamar á administración pública galega axudas urxentes para reparar os cuantiosos danos producidos.
Danos cuantiosos en bens públicos e privados que requiren maior apoio económico para a súa recuperación.
Estúa que visitou diferentes puntos do concello cualificou de ridícula a cantidade económica anunciada pola Consellaría de Medio Ambiente “que non chega nin para empezar en Cervo”, ademais dos danos producidos en diferentes pontes do municipio no curso do río Xunco, algunha cun valor patrimonial importantísimo, están danadas tubarias de saneamento, estradas e pistas rurais e forestais e nalgún curso do Río Covo poderían estar afectadas tubarias de abastecemento de auga a vivendas. A recuperación destas infraestruturas vai levar tempo e require dun gran investimento económico do que o concello non dispón.
Na mesma liña, o portavoz nacionalista, demandou a mediación do goberno local na reclamación de axudas económicas para as persoas e empresas cuxos bens resultaron danados pola riada, que nalgún caso aínda se estaba recuperando da anterior de abril de 2008. Estúa ademais denunciou a falta de apoio municipal para a limpeza de algunhas zonas da capitalidade municipal que tiveron que facer os propios veciños.
Os nacionalistas esixiron maior control das administracións na limpeza das masas forestais despois das cortas e o cumprimento dos regulamentos existentes, tanto municipais como autonómicos.
Os nacionalistas cervenses denunciaron a posíbel creación de balsas de auga por tapóns producidos con restos de madeira cortada que ao rebentar causaron unha subida de nivel case instantánea cos resultados xa descritos. Estúa demandou das administracións locais e autonómica maior control e cumprimento das normativas existentes para evitar na medida do posíbel estas situacións. O concelleiro denunciou a existencia de numerosas pistas forestais e cauces de regatos danados nas sacas de madeira que non foron reparadas con posterioridade, a pesar de existir un regulamento ao efecto que o concello non fai cumprir.
Batería de preguntas
Os nacionalista presentaron unha batería de preguntas para coñecer si o goberno local está a facer unha avaliación dos danos en bens públicos e privados, si contempla a solicitude de axudas para a reposición destes bens ou si o goberno local controla a reposición dos danos ocasionados en pistas e cauces fluviais nas operacións de saca de madeira.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
