RIBADEO (FNC) .- A xunta de voceiros dos partidos que integran o concello de Ribadeo, fixo unha sesión extraordinaria para honrar ao concelleiros D. José Duarte Díaz no seu pasamento.
NOTA DE PRENSA
DECLARACION DA XUNTA DE PORTAVOCES DO CONCELLO DE RIBADEO RELATIVA AO FALECEMENTO DO CONCELLEIRO D.JOSE DUARTE DIAZ
Reunida a Xunta de Portavoces do Concello de Ribadeo, en sesión extraordinaria e urxente, as once horas e dez minutos do día 26 de febreiro de 2010 baixo a Presidencia de D.Fernando Suarez Barcia, asistido do Secretario Xeral da Corporación D.Manuel Díaz Sánchez, e asistindo os portavoces dos Grupos Municipais do BNG, D.Vicente Castro Reigosa, do Partido Popular D.José Carlos Rodríguez Andina, do PSG-PSOE D.Balbino Pérez Vacas e de UPRI D. Agustín Reymondez Gancedo (suplente), por unanimidade acordan a formulación da seguinte declaración relativa ao falecemento de D.José Duarte Díaz para o seu coñecemento pola opinión pública:
“Decatados os portavoces dos Grupos Municipais do Concello de Ribadeo do falecemento de D.José Duarte Díaz , o noso popular “Nenó”, dende o Concello de Ribadeo queremos ante todo transmitir a nosa máis sincera condolencia aos seus familiares e achegados neste difícil momento, e ofrecerlles todo o noso apoio e colaboración.
A Xunta de Voceiros do Concello, a través da Alcaldía, desexa informar así mesmo á cidadanía de Ribadeo que, ante a condición de Concelleiro membro da presente Corporación, se decretaron dous días de loito oficial, martes 26 e mércores 27 de xaneiro de 2010 durante os cales as bandeiras ondearán a media asta, suspendéndose todos os actos institucionais programados no Pazo Municipal para estas datas.
Así mesmo, o Concello terá representación institucional nos actos relacionados co falecemento, sempre respectando a intimidade e os desexos da familia.
Dentro desta Corporación, pola sua convicción de poñer a Ribadeo e os seus veciños por enriba doutras consideracións deixa un oco que ninguén poderá encher, e así estíman os membros desta Xunta de Portavoces. Pero ademais, como ser human, deixa unha profunda pena porque nos abandona un auténtico home bo, unha persoa de profunda humanidade e humildade, compasiva, un amigo inesquecible ao que sempre botaremos de menos, e que se caracterizou por unha vontade de servizo aos seus veciños.
Facendo unha cativa síntese da súa traxectoria no Concello de Ribadeo, pódese resumir o seu paso por diferentes Corporacións Municipais do seguinte xeito:
Mandato Corporativo: 1983-1987
Dende o 26 xullo de 1983 ata 1987, ostentou responsabilidades de goberno como membro do Grupo de Alianza Popular, desempeñando as Delegacións municipais de Incendios, alumeado e Persoal, baixo a presidencia de D.José Ramón Cociña García.
Mandato Corporativo: 1995-1999
Toma posesión o 26 febreiro 1996 por falecemento de José Ramón Cociña García, co que se tiña presentado na candidatura de Coalición Galega.
Foi nomeado Vocal da Comisión de Goberno e segundo Tenente de Alcalde, baixo a Alcaldía de D.José Carlos Rodriguez Andina e Concelleiro Delegado de Tráfico e Seguridade Cidada.
Mandato Corporativo 1999-2003
Baixo a Presidencia de D.José Carlos Rodríguez Andina, do Grupo Popular é nomeado Cuarto Tenente de Alcalde, membro da Xunta de Goberno Local e desempeña o cargo de Concelleiro-Delegado de Tráfico e Seguridade Cidada.
Mandato Corporativo 2003-2007
Forma parte da oposición como membro do Grupo Municipal Popular, integrando a vocalía de Comisións Informativas baixo o mandato de D. Balbino Pérez Vacas.
Mandato Corporativo 2007-2011
Forma parte da Oposición como membro do Grupo Municipal Popular, e integrandose en diversas Comisións Informativas e realizando actuacións como portavoz suplente, baixo a actual Presidencia de D.Fernando Suárez Barcia.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
