Lugo, 24 de maio de 2018. O Presidente, Darío Campos Conde, adiantou este xoves que “dende este Goberno Provincial levamos ao vindeiro Pleno, que terá lugar o martes 29, novas propostas para investir máis de 25 millóns de euros nos 67 Concellos da provincia co obxectivo de contribuír á mellora da calidade vida dos máis de 300.000 veciños de Lugo dentro da nosa aposta por unha Deputacións coas persoas, social e rural”.
Campos avanzou que “21 millóns son para 307 novas obras de mellora de servizos públicos, financiar 200.000 horas de atención profesional a maiores a través do Servizo a Domicilio a persoas non dependentes, xerar máis 240 novos empregos e desenvolver 44 actividades culturais, 84 deportivas e 79 turísticas no conxunto do territorio lugués. Farémolo a través do Plan Único 2018, co que tamén contribuímos ao mantemento dos Grupos de Protección Civil tras os recortes da Xunta de Galicia e ao impulso da e-administración para que os veciños poidan realizar máis trámites por Internet”.
Outros 4,2 millóns en investimentos a incorporar ao Orzamento 2018
O Presidente adiantou que o Goberno da Deputación leva ao Pleno outra proposta para incorporar 4,2 millóns de euros de remanentes ao Orzamento de 2018, sendo máis investimentos na provincia, para as seguintes actuacións:
•2,3 millóns para novas actuacións nos Concellos a maiores das do Plan Único.
•600.000 euros para dotar dun carril bici ao Paseo do Río Rato, en Lugo.
•300.000 euros para iniciar as obras da residencia na Casa da Botica de Guitiriz
•300.000 euros para un Plan de Recuperación de Terras Abandonadas que contribúa ao impulso do sector primario e á posta en valor do rural.
•200.000 euros para dotar dunha canceira á zona Sur da provincia, que dea servizo a 22 Concellos, que se construirá en Monforte de Lemos.
•250.000 euros para un plan de sinalización intelixente que potencie o turismo.
•100.000 euros para recoñecer e colaborar co Breogán, Emeve e o Ensino, os clubes deportivos da provincia que acadaron ascensos á máxima categoría.
•100.000 euros para un plan de marquesiñas no rural.
•50.000 euros para un plan de dotación de desfribriladores nos Concellos.
RPT: “nova oportunidade á oposición”
“No próximo Pleno, a oposición terá a ocasión de rectificar tras darlle as costas aos traballadores da Deputación”, destacou o Presidente tras avanzar que se volverá a levar a mesma proposta de RPT acordada por unanimidade polos representantes sindicais logo de que estes presentase un recurso contra o acordo plenario contrario á mesma.
Pazo dos Deportes
O Goberno da Deputación tamén levará a aprobación definitiva da concesión demanial do Pazo Provincial dos Deportes a favor do Club Baloncesto Breogán. Esta cesión terá unha duración de 30 anos e permitirá ao club celeste cumprir cos requisitos económicos da FEB para acceder á máxima categoría do baloncesto nacional, a ACB. Por outra banda, garantirase o uso desta infraestruturas ao resto de clubs lucenses que empregan o Pazo entre os que se atopan os seguintes: CB Ensino, Estudiantes, Asociación Xuvenil Sagrado Corazón, SDC Garabolos, Federación Galega de Baloncesto, USC Lugo, CB Cidade de Lugo, Baloncesto Franciscanos Lugo, Club Balonmán Lucus, Club Muralla Rugby, Club Loita Lugo, Asociación Deportiva Judo Muralla, Club Loita Vilalba, Taekwondo Sanxiao, Club Squash Muralla de Lugo e Club Squash Mostruíños.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
