Foz 6-6-18. A Asociación Cultural A Pomba do Arco organiza o mércores 13 de xuño ás 20:30 no salón de actos do CENIMA unha palestra sobre as formacións xeolóxicas da Mariña, que correrá cargo do xeólogo Xoán Ramón Vidal Romaní. O conferenciante é unha das grandes autoridades nos estudos xeolóxicos no noso pais, ocupándose en diversos traballos sobre a realidade xeolóxica da comarca da Mariña, destacando entre os seus traballos recentes as súas investigacións sobre a formación da Praia das Catedrais. A este respecto debemos lembrar que é o autor dos diversos traballos encargados pola Xunta de Galiza para analizar a situación do conxunto natural.
Xoán Ramón Vidal Romani, profesor emérito de xeoloxía na Universidade da Coruña e membro numerario da Real Academia Galega das Ciencias, é un dos máis recoñecidos xeólogos galegos, autor dunha abondosa bibliografía sobre o tema na Mariña. Colaborador de diversas publicacións especializadas é o editor dos Cadernos do Laboratorio xeolóxico de Laxe, publicación de referencia do tema en Galiza que se ven publicando de xeito ininterrompido desde 1986. Especialista no estudo dos procesos cuaternarios, tema no que centrou a súa tese doutoral, son abondosos os seus traballos sobre xeomorfoloxía, sendo o autor da cartografía xeomorfoloxica de Galiza.
O profesor Vidal Romanía na súa palestra fará un repaso pola historia xeolóxica da Mariña, significando aquelas formacións xeolóxicas máis características da nosa zona , significando para o caso de Foz as turbeiras da praia da Arealonga en Nois. Autor de diversos traballos sobre os procesos glaciais en Galiza, definiu a cronoloxía para os procesos e depósitos glaciais dos últimos 550.000 anos , complementando os dados xeomorfolóxicos e paleontolóxicos. Neste contexto é onde se explica as formacións de turbeiras da Praia de Arealonga, o de máis antigüidade de Galiza e considerado o xacemento paleoclimático máis importante conxunto do Estado español, converténdose ademais en referente a nivel europeo para o estudo da evolución do cambio climático nos últimos milleiros de anos
As turbeiras de Nois proceden do último ciclo interglaciar do Cuaternario, adquirindo un valor fundamental para a reconstrucción da mudanza climática desde as primeiras etapas nas que se constata a aparición do home en Galiza. Nel atópase o primeiro estrato de cantos rodados, sobre o que se foron superpoñendo, alternativamente depósitos de turba e area dunar que abarcan todo o período da última glaciación até a actualidade. Ademais é un dos poucos xacementos que aínda se conservan que recolle información sobre período críticos nos que se extinguiron, sobre todo, especies de vertebrados. Estudando este depósito pódese reproducir (a través dos seus restos de esporas, polen e micro-restos de flora e fauna), as condicións climáticas e ecolóxicas que se sucederon durante os 120 mil últimos anos no norte da península.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
