Cervo, 16 de xuño de 2018.- O voceiro do PSOE en Cervo, Francisco Mon Fernández, denuncia que o Alcalde e os seus compañeiros do PP están a promover unha residencia “para a elite, pois os custos das prazas que estableceron son de entre 1.280 e ata 1.500 euros, cando a pensión media dos nosos veciños é duns 700 euros, facendo, polo tanto, que esta dotación pública, que é e debe ser para todos os maiores do noso Concello, sexa inaccesible para a grande maioría dos mesmos. Só está ao alcance das persoas que poidan contar con elevados ingresos”.
“Dende o PSOE de Cervo defendemos que as 79 prazas que ofrecerá esta infraestrutura social, rematada xa no 2012, deben estar dirixidas a todos os veciños do noso Concello, pois son eles, a través do seus impostos e fondos públicos nas administracións, os que financiaron a súa construción con máis de 2 millóns de euros”.
“O modelo que está a promover o Partido Popular non garante que as prazas sexan para os nosos veciños, só para os que poidan ter elevados ingresos. O Alcalde e os seus compañeiros do PP xustifica isto, asegurando que van a concertar prazas coa Xunta de Galicia, pero non aclarar que de producirse esta concertación as persoas que se beneficiarán das prazas da nosa residencia poden ser de calquera punto da xeografía galega. Esta concertación non dá preferencia aos maiores de Cervo aínda que a residencia sexa deles e se sitúe no seu Concello”, explicou.
Os prezos que o PP estableceu para as prazas
O voceiro socialista explicou que o Partido Popular defendeu dende un inicio un modelo de residencia e centro de día que imposibilita o acceso aos veciños do municipio. “Nas súas propostas, que aprobaron en Pleno”, determinaron os seguintes prezos: 1.280 euros para os maiores sen limitacións na súa autonomía; 1.400 euros para Dependentes Grao 1; 1.450 euros Dependentes Grado 2; 1.500 euros Dependentes Grao 3; 890 euros para a atención diúrna en Centro de Día e 485 euros na nocturna.
“Os socialistas preguntamos ao Alcalde do PP sobre a posibilidade de financiar prazas dende o municipio, principalmente para os maiores coas pensións máis baixas, feito que descartou facer dende o primeiro momento, asegurando que ía a concertar prazas coa Xunta pero sen aclarar o que supón esta concertación”, explicou.
Modelo do PSOE
“Os socialistas defendemos o modelo de acceso universal ás prazas que promovemos dende o Goberno Provincial nos centros de maiores que construímos e impulsamos en Concellos da provincia dende a Deputación, precisamente, pola negativa do PP a facelo dende a Xunta, cando é a administración galega responsable. O PSOE no Goberno Provincial estableceu que as prazas nos centros para a terceira idade da Deputación nos municipios sexan en primeiro lugar para veciños do Concello onde se sitúa o centro, logo para os da Comarca ou Bisbarra e seguidamente para lucenses en xeral. Ademais, os socialistas no Goberno Provincial acordou financiar as prazas nas residencias construídas e promovidas pola Deputación para que sexan de acceso universal, para todos os veciños con independencia da súa situación económica.
Máis de 6 anos de espera
Os sociliastas de Cervo critican que “o Partido Popular bloquee sistematicamente, coa sempre complicidade e imprescindible axuda da Xunta de Galicia, a apertura da rede de residencias e centros de día públicos que construíu e promoveu a Deputación nos Concellos. Bloquean as residencias da Deputación e abandonan as poucas que fixeron na provincia, pois a de Cervo rematouse en 2012, abandonárona, facendo que se tivesen que destinar máis fondos públicos de todos os cidadáns para arranxala. E agora, por riba, privan aos veciños de Cervo desfrutar da súa residencia con estes prezos para as prazas cando se investiron máis de 2 millóns de fondos públicos dos nosos veciños nas administracións”.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
