LUGO .- O responsable da rede viaria provincial da Deputación expuxo no III Congreso Intercomarcal Lugo-A Mariña, organizado por UXT, as medidas que ten a Deputación para anticiparse á saída da crise. Os participantes neste congreso elixiron á nova executiva de Transporte, Comunicación e Mar de UXT.
Nota de Prensa
Díaz Valiño explica as medidas que ten a Deputación para anticiparse á saída da crise
O Deputado provincial participou na inauguración do III Congreso Intercomarcal Lugo-A Mariña
O Deputado da Rede Viaria Provincial, Juan José Díaz Valiño, participou este venres na inauguración do III Congrego Intercomarcal Lugo-A Mariña, organizado por UXT e no que se elexiu á nova Executiva de Transporte, Comunicación e Mar. No acto no que tamén participou o Alcalde de Lugo, José López Orozco, Valiño destacou que “este son uns sectores que se están a ver moi afectados pola crise. Precisamente, as saídas a esta situación no pasan polo recorte de investimentos, senón todo o contrario: máis ca nunca é necesario traballar con visión de futuro, poñendo en marcha medidas que nos fagan ser máis competitivos”.
Neste senso, lembrou que “acabamos de redactar o noso Plan Estratéxico, que será a folla de ruta a seguir nos vindeiros anos para determinar as actuacións a levar a cabo de cara a conseguir unha provincia totalmente vertebrada en sectores como os que aquí están representados. Nestes momentos trátase de priorizar, actuando onde realmente a Deputación ten que ser útil á provincia. Por iso, a pesar de ter menos ingresos, incrementamos un 1,10% os orzamentos para o 2010, superando os 143 millóns de euros”.
A pesca supón un dos piares económicos máis importantes de Lugo, proba disto é que na Mariña están as lonxas máis prestixiosas de España. Precisamente, a flota pesqueira de Lugo representa o 5% da flota galega en número de barcos e supón o 17% do total da tonelaxe e da potencia da flota galega.
No caso do transporte, concretamente o ferroviario, “o Goberno Central, a través do Ministerio de Fomento, está a realizar o maior investimento nunca feito antes na historia de España”. O Deputado provincial subliñou que o Plan Estratéxico de Infraestruturas e Transporte (PEIT) 2005-2020, prevé un investimento de preto de 250 millóns de euros, “o que supón a maior inversión planificada en infraestruturas e transportes, e que permitirá a chegada do tren de alta velocidade a Lugo”.
No que se refire ás telecomunicacións, Valiño indicou que “Galicia e Lugo son un espazo desenganchado e apagado das tecnoloxías de información e da comunicación. A Deputación porá fin a esta situación co programa europeo Innova-TE”. Esta mesma mesma semana quedaba adxudicado provisionalmente o maior prego feito nunca en Galicia no eido das TICs, que está dotado con 7 millóns de euros.
A este respecto, o responsable da Rede Viaria Provincial destacou que “a Deputación está co sector produtivo da provincia, actuando e poñendo solucións enriba da mesa para fomentar o desenvolvemento de Lugo e a creación de emprego. Iniciativas como as que lles comentei, que se suman ás axudas a autónomos e ó programa Pacto Integral polo Emprego, dotado con 4 millóns de euros, son claros exemplos de que temos un compromiso claro e firme coa provincia”.
Na inauguración tamén participaron o Subdelegado do Goberno, José Vázquez Portomeñe, a representante da Patronal de Transportes, Carmen Castelao, o secretario Xeral de UXT, Manuel Chaín, e o representante de UXT Galicia, Eladio Romero.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
