Cervo, 28 de xuño de 2018.- O Concello de Cervo, a través da delegación de Xuventude que dirixe Dolores García Caramés, programa unha nova edición das iniciativas Deseñando o teu futuro e Cervo a carón do voluntariado.
Caramés presentoulle ao alumnado do IES Marqués de Sargadelos os programas que xa se desenvolveron con éxito o pasado verán.
Deseñando o teu futuro está dirixido a rapaces de entre 14 e 18 anos, que poderán realizar estadías becadas en empresas do municipio e coñecer a realidade socio-laboral e empresarial da contorna. Ademais, realizarán unha visita guiada a unha empresa innovadora e asistirán a diferentes obradoiros de intelixencia emocional e de técnicas de procura de emprego e motivación empresarial. As persoas participantes recibirán unha retribución de 6 euros ao día. O prazo para anotarse remata o 17 de xullo. É unha proxecto financiado pola Consellería de Política Social da Xunta de Galicia.
Pola súa banda, Cervo a carón do voluntariado está dirixido a rapaces de entre 16 e 30 anos. Os inscritos poderán colaborar nas diferentes actividades que se programan dende o Concello como os Enredos de Verán, as Noites Alternativas, ou unha actividade de achegamento á biblioteca, coa que se pretende a organización dun grupo estable de voluntariado que colaborará na consolidación de grupos de lectura e na planificación de novas actividades culturais na tempada estival, para ocupar o tempo de lecer dos nosos maiores; entre outras iniciativas. O proxecto de Acción Voluntaria abrangue ata o 1 de outubro, e cada voluntario colaborará nos programas un máximo de 60 xornadas de 6 horas diarias.
As inscricións son de balde e as prazas son limitadas.
Xuventude programa unha nova edición de Deseñando o teu futuro e Cervo a carón do voluntariado
Relacionado
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
