Foz, 27 de xuño de 2018. Os días 29 e 30 de xuño celébrase en Foz a 5ª Festa Vintage, que organiza o Centro Comercial Aberto. No evento repartiranse 1.000 euros en vales de compra.
O CCA de Foz continúa así conmemorando o seu trinta aniversario.
O sábado a mediodía haberá sesión vermú con música en directo. Os que se acheguen á cafetería Mayros poderán disfrutar da actuación de Contrabando e os que vaian a Xoyma escoitarán a Os Alcántara.
Na quinta edición da Festa Vintage sortearanse 1.000 euros en vales de compra, dous por importe de 200 euros, un de 100 euros e dez vales de compra de 50 euros cada un.
Os clientes dos establecementos asociados recibirán os vales para participar no sorteo polas compras realizadas entre os días 22 e o 30 de xuño. Este sábado ás 20:30 horas na carpa instalada diante do Concello haberá unha actuación musical a cargo de Sons Varadero. Posteriormente, ás 20:45 horas, celebrarase o sorteo en directo dos 1.000 euros en vales de compra.
Antes, desde as cinco da tarde na carpa haberá unha urna para depositar os boletos e así participar no sorteo.
Ademais os días 29 e 30 terá lugar tamén un Tapeo Vintage. Os locais hostaleiros participantes servirán tapas ao prezo de 1´5 euros, a partir das 20:00 horas, e o sábado tamén ao mediodía, entre as 13:00 e as 15:00 horas.
A 5ª Festa Vintage está organizada polo CCA de Foz, que conta coa colaboración do Concello de Foz, a Xunta de Galicia, Radio Foz e a FCAM.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
