Ribadeo, 17 de xullo de 2018. A II Carreira Nocturna Rinlo-Ribadeo, que organiza o Club de Atletismo ribadense coa colaboración do Concello, terá lugar o 18 de agosto con saída ás 21:45 horas. O evento foi presentado polo concelleiro de Deportes, David Rivas, e por directivos do Club de Atletismo de Ribadeo como a presidenta, Ana Ferradás, e o vocal Arximiro García. No acto tamén participou Verónica Baciero, representante dunha das firmas que colaboran con esta cita deportiva.
O edil de Deportes dixo que “desde o Concello valoramos moi positivamente que os clubs organicen este tipo de actividades como esta II Carreira Nocturna Rinlo –Ribadeo. Dado o éxito de participación que tiveron na primeira edición é moi bo sinal que este ano se repita e poidan mellorar aínda ese número de participantes que roldou os catrocentos. É unha carreira de verán que case é unha antesala á que organizamos desde o Concello, que é a media maratón Ribadeo-As Catedrais”. David Rivas animou “a todas as persoas ás que lles guste o atletismo, ás que lles guste correr, a que participen nesta carreira que é distinta porque ten a particularidade de ser nocturna cun recorrido verdadeiramente bonito entre Rinlo e Ribadeo”.
Pola súa banda, Verónica Baciero, manifestou: “anunciamos desde Ribadeo que se va a celebrar la segunda carrera nocturna Rinlo-Ribadeo el 18 de agosto de 2018, el recorrido tendrá 8´7 km. Animamos tanto a mayores como a pequeños a participar. Las inscripciones se realizarán en www.championchipnorte.com. Agradecemos toda la participación de los colaboradores, gracias a todos los que participaron el año pasado, y este año se han añadido unos cuantos más. Animamos a todo el mundo a que se apunte, y corra esta carrera, esté preparado o no, porque va a ser divertida, animada y llena de ilusión. Hay que apoyar la salud y el deporte”.
As categorías pitufos, prebenxamín, benxamín e alevín participarán nunha carreira entorno ao parque de San Francisco. A saída neste caso será ás 20:30 horas.
E ás 21:30 partirá desde o Faro da Illa Pancha rumbo ao parque de San Francisco a carreira infantil e cadete.
A inscrición na II Carreira Nocturna Rinlo-Ribadeo está aberta.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
