Alfoz, 18 de xullo de 2018. O vindeiro venres 20 e o sábado 21 de xullo Alfoz volve ao medievo para revivir a historia e a lenda do Mariscal Pardo de Cela. O escritor e xornalista Miqui Otero, nacido en Barcelona pero con raíces en Alfoz, será o encargado de ler o pregón na XX edición do Mercado Medieval de Alfoz no patio de armas do Castelo do Castrodouro o sábado ás 12 da maña.
O programa de actos da comezo o venres as nove e media da noite cun desfile de traxes medievais a cargo de O Nabiño e, deseguido, espectáculo de danzas medievais a cargo de Marco Uría. A xornada do venres remata cunha queimada amenizada polo grupo Illa Pancha.
A xornada do sábado da comezo ás 9.15 da maña coa ruta de senderismo As Fortalezas do Mariscal, a cargo do Freixo dos Lobos. As persoas interesadas poden informarse e inscribirse no teléfono 657 849 200.
Durante o resto da xornada Alfoz regresa ao século XV para ofrecer diversas actividades a pequenos e maiores, como a imposición das Medallas aos Escudeiros do Castro, exhibición de aves de cetrería, representacións teatrais, xogos ecuestres, exhibicións de oficios tradicionais ou revolta irmandiña infantil.
A xornada rematará coa gran cea medieval acompañada de espectáculo de malabares con lume a cargo de Asocirco e a escenificación “Credo, credo, creo”.
COÑECENDO AO PREGOEIRO DO XX MERCADO MEDIEVAL, MIQUI OTERO
Miqui Otero (Barcelona, 1980) é novelista en lingua castelá, xornalista e profesor universitario español. Sempre foi demasiado galego para os cataláns e demasiado catalán para os galegos, porque dende moi pequeno, pese a vivir en Barcelona, pasaba os seus veráns entre Mondoñedo, O Valadouro e A Espiñeira, preto de Foz.
No ano 2010 publicou a súa primeira novela “Hilo musical”, gañadora do premio “Novo Talento Fnac”. Dous anos máis tarde, publicou “La cápsula del tiempo”, escollido libro do ano por Rockdeluxe e entre os dez libros do ano, segundo o diario ABC. A súa última publicación, “Rayos” (2016) é a súa novela máis íntima e a máis ambiciosa; considerada polos críticos “unha das grandes novelas da cidade de Barcelona”. Tamén participou en antoloxías de novos narradores como “Última temporada” (2013) e en libros colectivos de ensaio como “Una risa nueva”(2010) e “CT o La Cultura de la Transición” (2012), entre outros.
Na actualidade colabora no diario “El País”, no “Cultura de la Vanguardia” e no “El Periódico de Catalunya” Tamén participa en diversas tertulias radiofónicas, como no programa de Julia Otero; da clases sobre literatura e xornalismo creativo na Universidade Autónoma de Barcelona e codirixe o festival “Primera Persona” do Centro de Cultura Contemporánea de Barcelona.
Nas súas novelas xamáis falta un guiño a algunha das historias galegas de emigrantes que, dende moi pequeno, avivaron a súa curiosidade e o empurrraron a escribir.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
