Ribadeo, 10 de setembro de 2018. O grupo municipal do Partido Popular en Ribadeo critica que este ano o equipo de goberno volva subir o Imposto de Bens Inmobles (IBI), nesta ocasión nun 8 por cento.
O portavoz do PP ribadense, Jesús López Penabad, explica que “se abre o prazo para pagar o IBI e vén o que dixemos no seu momento, sube o 8 por cento; o goberno local di que é por un erro, pero nós non nos cremos este tipo de erros. O ano pasado houbo un catastrazo e ao final os ribadenses tivéramos que pagar toda esa subida, ese ordenamento novo dos prezos do catastro. Entón o alcalde comprometeuse a que durante os seguintes anos non ía subir, pero agora está faltando á súa palabra. Din que por un erro, pero cos anos que levan gobernando se cometeron un erro deste tipo é que non aprenderon nada. Polo tanto non nos cremos que fora un erro senón que simplemente queren recadar máis para as arcas municipais a costa de todos os veciños, que son os que sempre acaban pagando”.
Para o portavoz dos populares no Concello de Ribadeo: “isto é un exemplo máis do engano que nos pretenden facer e considerámolo así. Si se aprobou para o seguinte ano outra rebaixa, pero aí xa van pasar unhas eleccións e virá o que veña”.
Jesús López Penabad subliña que “o que está claro é que levamos varios anos seguidos con subidas na contribución que repercuten sempre nos mesmos, nos veciños de Ribadeo”.
O PP critica que este ano volva subir o IBI no Concello de Ribadeo, nesta ocasión nun 8 por cento
-
-
Seguinte
O Concello de Ribadeo suspende temporalmente a recollida do cartón porta a porta. A empresa que prestaba este servizo, Soil Recovery, deixou de facelo e tampouco recolle o lixo dos contedores amarelos. Jorge Díaz Freije subliñou que “estamos traballando para volver á normalidade o antes posible”
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
