Ribadeo. 11, setembro, 2018. O Partido Popular de Ribadeo destaca a aposta da Xunta de Galicia polo emprego a través do financiamento de dous obradoiros que ofrecerán un contrato de formación a un total de 36 ribadenses en situación de desemprego coa achega de 443.069 euros.
O voceiro do Grupo Municipal Popular, Jesús Penabad, destaca que “a Xunta de Galicia concedeu ao Concello de Ribadeo un dos dous obradoiros de garantía xuvenil 2018 que se implantarán na provincia xunto ao concedido ao Concello de Lugo”. O obradoiro ‘Doc Tic II’ formará a un total de 16 mozos e mozas menores de 30 anos durante un mínimo de 6 meses en produción fotográfica e operación auxiliares de servizos administrativos xerais “grazas a unha achega de 154.262,40 euros da Xunta de Galicia”, apunta.
Pero, ademais deste, o Concello de Ribadeo implantará neste 2018 un obradoiro de emprego denominado ‘Ribadeo no Camiño’ que conta con 20 prazas de formación dual en instalación e mantemento de xardíns e zonas verdes; así coma á dinamización, programación e desenvolvemento de accións culturais durante un mínimo de 9 meses. Neste caso, a administración autonómica dirixe un total de 288.807 euros cos que sufragar integramente a contratación dos alumnos-traballadores. A Xunta fai fronte tamén aos gastos de contratación de persoal de dirección, monitores e persoal administrativo.
Novidade
Os populares destacan, como novidade da presente convocatoria, que “os participantes poderán combinar un contrato de formación e aprendizaxe durante nove meses, cun contrato adicional de polo menos tres meses máis, nunha empresa emprazada no mesmo ámbito territorial do obradoiro e cunha actividade vinculada ás materias do obradoiro”.
Aposta da Xunta pola formación para o emprego
A actuación da Consellería de Economía, Emprego e Industria combina, a formación co desenvolvemento dun traballo efectivo, xa que as persoas beneficiarias disporán dun contrato de traballo e percibirán un salario durante a súa participación nesta actividade.
“Isto demostra a aposta da Xunta pola formación de cara a mellorar as capacidades das persoas desempregadas coas que favorecer a súa integración no mercado laboral. De feito, a provincia de Lugo recibirá un total de 5,5 millóns de euros para o desenvolvemento deste tipo de iniciativas”, recorda Penabad.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
