Viveiro, a 4 de outubro de 2018. Celestino García Paz, en representación do Grupo Municipal Popular de Viveiro, realiza á Sra. Alcaldesa da Corporación, as seguintes preguntas sobre as que desexa obter no próximo Pleno, a correspondiente resposta, ben sexa oral ou por escrito.
Fai máis dun ano o equipo de goberno local daba a coñecer nos medios que estaban elaborando un proxecto para a ampliación e a modificación da rotonda da Misericordia.
Esta é unha actuación moi demandada, sobre todo polos conductores de vehículos pesados e autobuses dados os riscos que conlevan as maniobras, así como o alto custe que teñen que soportar polo desgaste que sufren algunhas partes dos vehículos como consecuencias das torsións soportadas ó efectuar os xiros cun espacio tan reducido.
Como a día de hoxe a situación está exactamente igual que cando se realizaron os cambios de tráfico no noso Concello, sen que se teña efectuado actuación algunha neste punto, e conscientes de que se precisa a colaboración da administración autonómica e a estatal, e polo que lle PREGUNTAMOS á Sra. Alcaldesa:
1º) Un ano despois do anuncio, teñen xa elaborado dito proxecto para a modificación desta rotonda?
2º) En caso afirmativo, cando pensan executalo e cal e o seu custe?
3º) A día de hoxe, que xestións teñen realizado coa Xunta e con Costas do estado para poder levar adiante dita remodelación?
Celestino García Paz, en representación do Grupo Municipal Popular de Viveiro, realiza á Alcaldesa da Corporación os seguintes ROGOS para o próximo Pleno , ó obxecto de que se subsanen as deficiencias sinaladas coa maior prontitude posible:
Varios veciños se dirixiron o noso grupo para comunicarnos que en diversas zonas da parroquia de Covas, como acontece na rúa Castelos ( vivendas sociais ) e na pista dirección Puxigueira situada entre o antiguo Hotel Cociña e o muro do Pazo de Grallal,así como a zona reservada para turismos frente o cemiterio parroquial, teñen abundantes fochancas e os accesos están moi deteriorados como consecuencia das nulas actuacións en materia de conservación.
Por estes motivos lle ROGAMOS ó equipo de goberno local que acometa a maior brevidade posible, a mellora e reparación destes accesos sinalados.
Celestino García Paz
Concelleiro PP de Viveiro
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
