Santiago de Compostela, 30 de outubro de 18. A portavoz de Pesca do Grupo Socialista, Loli Toja, sinalou hoxe á Consellería do Mar como “o maior problema para o sector pesqueiro”. Así o dixo na comparecencia en Comisión da conselleira para presentar os orzamentos do seu departamento para o ano 2019, que para Toja son “decepcionantes, continuístas, opacos i esquecen a pesca para centrarse na acuicultura”.
A responsable socialista advertiu que se trata dun “brinde ao sol” por canto “marca obxectivos na memoria que non van acompañados de partidas orzamentarias suficientes” en materia de I+D+i ou de infraestruturas pesqueiras. Acusou á Xunta de abandonar a un sector que “clama por axudas á paralización temporal provocada polas reducións das cotas pesqueiras”, como no caso da pescada, mentres o goberno galego “di que non hai fondos renunciando ás axudas comunitarias”.
Criticou que o goberno galego “renuncie a loitar por apoiar ao relevo xeracional” a pesares que teña pasado das 23.800 persoas ocupadas no mar en 2009 ás 16.200 da actualidade, 7.200 menos, e os permisos de marisqueo se teñan reducido dos 4.281 en 2009 aos 3.797 contabilizados en 2017. O sector, dixo, que “ve como os investimentos nos portos quédanse en 6 millóns fronte aos 17,8 da acuicultura”.
Seguridade no mar
Sinalou ao “desleixo” do goberno galego coa seguridade no mar e que, a pesares da elevada sinistralidade, deixan do as partidas en saúde e seguridade nos 300.000 euros “mentres destinan 1,7 millóns para saúde e benestar animal”. Apuntou que “seguen sen executar a dragaxe do porto de Laxe ou o Plan de sinalización de bateas, dúas cuestións directamente ligadas coa seguridade e que sinxelamente non queren executar”.
Lembrou neste sentido que teñan “despilfarrado” os orzamentos na “xestión desastrosa” da contratación do Servizo de Gardacostas, poñendo “os intereses privados por enriba dos públicos” polo que “a empresa á que lle venderon dous helicópteros é a mesma coa que subcontratan logo o servizo”. A súa “incompetencia”, dixo, leva a que pagan agora 14 millóns a gardacostas para prestar un servizo que antes costaba 2, e ademais coas mesmas aeronaves.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
