A Sra. Otero Rodríguez vén de despedirse como membro da Corporación Municipal do Concello de Burela logo de tres anos e cinco meses como concelleira con responsabilidades de Goberno e a sete meses das vindeiras eleccións. E cál é o seu legado? Vexamos.
Nada que agradecerlle en canto ao arranxo iniciado co goberno municipal do PP das dúas vivendas de mestres desafectadas en 2014 para acollida de vítimas de violencia de xénero e para locais para asociacións. Non o continuou e polo tanto, a día de hoxe, non temos vivenda de acollida para vítimas de violencia de xénero ou persoas en risco de exclusión.
Nada que agradecerlle no relativo á memoria de avaliación do Plano de Igualdade entre mulleres e homes 2015-2017. Os folios seguen en branco.
Nada que agradecerlle no tocante ao Plano de Igualdade para 2017-2019. Nin tan sequera fixo o limiar.
Nada que agradecerlle para acadar o Punto de Encontro que figuraba no Plano de Igualdade. Non fixo ningunha xestión.
Nada que agradecerlle en canto ás negociacións coa Xunta sobre o concerto das prazas do Centro de Día para persoas con discapacidade. Non fixo tal negociación.
Nada que agradecerlle nas xestións ante Portos de Galicia: non fixo ningunha. É máis, cando viña o Presidente de Portos a Burela, ela non estaba nas visitas.
Nada que agradecerlle nos traballos para sacar adiante a Relación de Postos de Traballo dos empregados municipais, aínda que ela participou de xeito “presencial” nas reunións a tal efecto. O asunto está igual ca hai dous anos.
E agora vén presumindo de que deixa, ¡tres anos e cinco meses despois!, os proxectos para a vivenda de violencia de xénero. E qué fixo neste tempo?. E que rematou coa débeda do Concello: esquece que entre xuño 2011 e xuño 2015 tamén se amortizaron preto de 1.639.000 euros e que a 31 de decembro de 2014 había 1.605.000 euros de remanente; de non ser así, non podería presumir tanto…
Sen dúbida, xa está na historia do Concello de Burela coma a peor concelleira de Servizos Sociais. Polo tanto, Burela non ten ningunha débeda coa Sra. Otero, non hai nada que agradecerlle. Se cadra, ela si ten que estar agradecida por cobrar neste tempo 14.000 euros/ano dos cartos de todos os veciños…, por nada.
PD.- Sra. Otero, cando fale, entérese ben, lea os papeliños. Nos presupostos da Xunta si hai cartos para a EDAR de Burela e non só os 770.000 euros para este ano. Aclarámosllo nós, hai 9 millóns no horizonte dos vindeiros catro anos. Tamén hai 1.137.297 nos exercicios de 2019 e 2020 para o segundo martelo de abrigo do porto. E outros 200.000 euros para 2019 para a nave de redes. Todo iso sen ningunha xestión nin de vostede nin do Sr. Llano. Pois iso, nada que agradecerlle.
“GRAZAS POR NADA, SRA. OTERO”
Relacionado
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
