O alcalde de Burela, Alfredo Llano, anunciou que o concello potenciará tras o verán as súas relacións con Cabo Verde e “celebraranse xornadas de intercambio de xente caboverdiana de Li... Ler máis
ÚLTIMA HORA
- Unha persoa trasladada logo dun incendio nunha nave de gando na Fonsagrada
- Este fin de semana celébrase a segunda parte da Ruta de Pinchos do Vicedo
- Expomar presenta o Congreso da Infancia e Adolescencia sobre sustentabilidade pesqueira
- O Polo de Emprendemento de Mondoñedo aborda en Viveiro o relevo nos negocios locais
- Este fin de semana celébrase a segunda parte da Ruta de Pinchos do Vicedo
Os locais participantes e as súas propostas gastronómicas son: Cafetería Casa da Cultura: “Crujiente de Corral” (venres e sábado). La Bodeguita del Puerto: “Maravillas del Cantábrico” (venres e sábado). Chiringuito Los Árboles: “Chips de Torrezno” (venres e sábado). Café Bar Santo Domingo: “Arroz con calamares” (só venres). Café Bar San Esteban: tosta “La miga creativa” (só venres). Mesón O Remo: “Crepe O Remo” (só venres). Os pinchos poderán degustarse a partir das 20:00 horas a un prezo de 4 euros. A ruta inclúe ademais un concurso ao mellor pincho, con voto popular. Cada pincho dará dereito a unha papeleta que deberá depositarse na urna do local. O luns ás 18:30 horas entregarase o premio ao mellor pincho e sortearanse dúas batidoras-picadoras Bosch, unha por cada fin de semana da ruta. - O Concello de Cervo celebra este 23 de abril o Día do Libro, unha data dedicada á maxia das historias, da imaxinación e das palabras que nos permiten viaxar sen movernos do sitio
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939 - A UNED de Lugo participou na XII edición do Taller de Boas Prácticas de Centros Asociados, un encontro que reuniu a máis de cen profesionais da rede para compartir iniciativas innovadoras
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida. - El Franco acollerá desde o 13 de maio unha nova edición do Curso de Eonaviego de Falamos, unha formación gratuíta para persoas adultas destinada a promover o seu uso e coñecemento
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio. - 'Preto de ti' segue achegando ás parroquias ribadenses máis actividades para ás veciñas e os veciños
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”. - Ortigueira rexistrou unha moi boa acollida nas actividades municipais de dinamización sociocomunitaria, que contan neste curso con case 500 persoas inscritas
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”. - A estrada provincial LU-P-6103, de Trabada a Barreiros por Fórneas, sufre o corte dun carril -á altura do punto quilométrico 3,5- debido ao comezo dos traballos para estabilizar un talude
O tráfico estará regulado por semáforos e está previsto que este venres rematen as obras.
2021 Crónica 3 A Mariña - Implementado por GaliciaDigital