VIVEIRO .- O Boletín Oficial do Estado publicou o pasado día 6 un Real Decreto polo que se concede a Luís Neira a Río a Medalla de Ouro ao Mérito no Traballo “en atención aos méritos q... Ler máis
ÚLTIMA HORA
- O PP lamenta que “o Goberno central non responda a dúas cuestións clave para Alcoa: a autorización dos parques eólicos e unha posible intervención temporal”
- AciaFozCCA sorteou este luns 500 euros en vales de compra na súa campaña da Volta ao Cole
- O PP pide que os 21M€ extra procedentes da recadación do Estado de impostos dos lucenses se destinen a duplicar o investimento en estradas provinciais e ao Plan Deputación
- O concello fai unha valoración moi positiva da X Media Maratón Ribadeo-As Catedrais, celebrada o pasado sábado.
- O alcalde, Dani Vega, e a concelleira de Cultura, Begoña Sanjurjo, asistiron este domingo na cidade episcopal á ofrenda á Virxe dos Remedios, patroa da diocese Mondoñedo-Ferrol
Desde hai preto de noventa anos a ofrenda é realizada polos alcaldes das localidades que foron cabeceira de partido xudicial. Neste 2024 a quenda foi para o rexedor de Ortigueira. A misa oficiouna o Bispo Monseñor Fernando García Cadiñanos. A continuación tivo lugar a tradicional procesión. - Unhas 200 persoas acudiron á concentración convocada pola Plataforma Sanitaria da Mariña e o Concello de Trabada para demandar a cobertura de xeito estable da totalidade de médicos
Trabada ten que ter 2 médicos sempre, pois a súa poboación maioritariamente por riba dos 65 anos, moi dispersa xeográficamente precisa unha atención sanitaria de calidade, próxima, digna e non suxeita únicamente a criterios numéricos. Nesta localidade tamén hai unha residencia con 39 persoas que precisan de atención sanitaria todos os días. - O novo miradoiro sobre a ría recibiu este sábado o nome de Loctudy, cidade francesa irmandada con Ribadeo
O acto tivo lugar aproveitando a estadía que a expedición do país galo e está a pasar estes días no concello ribadense. O alcalde, Dani Vega, tivo palabras de agradecemento “para a asociación organizadora desta visita e tamén para Sargadelos, por esta espectacular placa que xa loce no Miradoiro Loctudy/Loktudi”. O rexedor lembrou que “Loctudy e Ribadeo teñen moitas similitudes” e agarda que “ambos concellos sigamos afondando nos lazos que nos unen desde hai anos”. - O Deputado de Promoción Económica e Social, Pablo Rivera, participou este sábado na inauguración da XIV Feira do Indiano que organiza a Liga Santaballesa na parroquia vilalbesa de Santaballa
A institución provincial achega 4.000€ á organización desta cita que, segundo apuntou o Deputado, “contribúe a axudar na conservación do legado daqueles que tiveron que deixar a súa terra na procura dunha vida mellor”. O programa deste sábado inclúe unha mesa redonda para falar sobre a simboloxía galega na inmigración e pezas de música caribeña da man do grupo Toxo Guayaba. Na Feira participou xunto ao Deputado o Presidente da Asociación Cultural Amigos da Liga Santaballesa, José Isidro Cillero Prieto; o segundo Tenente de Alcaldesa de Vilalba, Eduardo Vidal; e a Cónsul Xeral de Cuba en Santiago de Compostela, Annabel Lafargue Wilmoth. - O alcalde de Ribadeo, Dani Vega, asistiu na Cámara de Comercio de Oviedo á entrega de premios da asociación Día de Galicia en Asturias
Os galardóns renden homenaxe a persoas, asociacións e empresas pola súa pola súa colaboración cos organizadores, pola súa promoción da cultura, pola súa traxectoria empresarial ou pola súa vinculación con Galicia. A empresa ribadense Gestión Gratelu foi unhas das premiadas esta xornada en Oviedo. O rexedor agradece “o convite da asociación Día de Galicia en Asturias por contar con Ribadeo e por este recoñecemento a unha empresa ribadense”. Vega destacou “a colaboración e boas relacións que manteñen Galicia e Asturias e aproveitamos a xornada para reunirnos co empresariado asturiano”. - A segunda edición do “Ortigueira a Bocados” celebrarase os días 11, 12 e 13 de outubro
Establecementos hostaleiros de todo o municipio poderán participar con tapas de produtos autóctonos. O público decidirá a mellor tapa co seu voto, con premios tanto para locais como para clientes. - A Deputada de Economía, Facenda e Recadación de Contas, Carmela López Moreno, asistiu este xoves no Teatro Pastor Díaz de Viveiro á sexta edición de Encuentros en el Eo
Nesta cita, promovida polos diarios La Voz de Galicia, La Voz de Asturias, o Banco Sabadell Gallego e Sabadell Herrero, contou coa participación do Presidente da Xunta de Galicia, Alfonso Rueda Valenzuela, e o Presidente do Principado de Asturias, Adrián Barbón Rodríguez. No acto, ao que asistiron numerosas autoridades políticas de ambas comunidades, os presidentes abordaron diferentes cuestións sobre temas de actualidade, ao tempo que reforzaron os lazos entre a comunidade galega e asturiana.
2021 Crónica 3 A Mariña - Implementado por GaliciaDigital