- O conselleiro do Mar, Alfonso Villares, presidiu este luns a toma de posesión de Marta Villaverde como nova directora xeral de Desenvolvemento Pesqueiro en substitución de Susana Rodríguez que viña desempeñando estas funcións desde o ano 2009
Licenciada en Veterinaria pola Universidade de Santiago de Compostela, é funcionaria de carreira do corpo facultativo superior da Xunta de Galicia, grupo A, dende o 2006. Traballou ate novembro de 2012 como inspectora veterinaria de Saúde Pública nos servizos centrais da Consellería de Sanidade. Foi e subdirectora xeral de Valorización dos Produtos do Mar dende abril do 2023 ate a actualidade. O titular de Mar agradeceu o traballo desempeñado por Susana Rodríguez en todos estes anos ao servizo de Galicia e o seu sector pesqueiro e felicitou a Marta Villaverde polo novo nomeamento e o seu compromiso cos profesionais do mar ao asumir esta nova responsabilidade.
- Deu comezo o pasado 1 de maio a Liga Galega de Traiñas Veterans, cun total de 11 xornadas
O Club de Remo Celeiro desprazouse ata A Pobra do Caramiñal para participar na 1° proba desta Liga Galega de Traiñas Veterans, acadando un 2° posto en categoria Mixta nunha regata de 3500m divididos en 4 longos. Este é o 2° ano que o Club mariñán consegue a participacion nesta Liga.
- A Deputación apoiou ao Concello de Trabada para celebrar unha nova edición da Festa da Enfariñada
A Deputada de Economía, Recadación, Facenda e Especial de Contas, Carmela López, participou este domingo co Alcalde de Trabada, Rubén García Freije, na celebración da quinta edición da Festa Gastronómica da Enfariñada. Unha cita, á que a institución provincial achega 10.000€ para a súa organización, e que reuniu a centos de persoas para degustar de xeito gratuíto este prato típico trabadense.
- Acisa Ribadeo celebrou o día da nai repartindo na rúa un centenar de caraveis entre as mamás que se atopou ao seu paso, a pesar da choiva
A asociación ribadense felicitou ás mamás neste día tan especial: "sabemos que muchas familias celebrarán esta fecha en la hostelería local. Según los datos recabados podemos confirmar que varios establecimientos están completos desde hace días, hecho que nos alegra".
- Co gallo do Día de Europa, Estefanía Molina impartirá unha conferencia na UNED de Lugo
Estefanía Molina Morales é unha voz destacada no ámbito da política e os asuntos internacionais, recoñecida polo seu profundo coñecemento e a súa capacidade para analizar os desafíos e oportunidades que enfronta Europa na actualidade. Na súa conferencia, a xornalista, analista política e escritora, repasará os principais acontecementos que marcaron a historia recente de Europa e ofreceranos unha visión clara e fundamentada sobre os retos que afronta o continente nun mundo cada vez máis interconectado e cambiante. Realizarase online e presencial, o 9 de maio de 18:30 a 20:00 horas.
- Obradoiro de Educación emocional e técnicas de relaxación o 24 de maio ás 10:30 no Centro Sociocultural de Alfoz
Durante a sesión, que será impartida por Ana Belén Vieito Agra, pedagoga e guía Montessori, abordarase a importancia de identificar cales son as fontes de estrés así como os seus síntomas e efectos e a ansiedade na nosa vida cotiá. Tamén se darán a coñecer estratexias que permitan lograr unha adaptación óptima a calquera situación de cambio e/ou transición vital, como unha enfermidade, dolo, rupturas familiares, etc. E na última parte da sesión practicaranse técnicas de relaxación, meditación e concentración. A inscrición permanecerá aberta ata o 22 de maio. As persoas interesadas poden inscribirse no Concello ou no teléfono 982 55 80 01.
- A deputada de Cultura Iria Castro asistiu este mércores á Festa daFilloa, que reuniu no recinto feiral de Muimenta centos de veciños evisitantes arredor desta receita tradicional
Iria Castro interesouse polo traballo das filloeiras nas pranchas e participou tamén na entrega de premios do Certame de Debuxo e Relato Filloa 2024 no que participaron alumnas e alumnos dos colexios da contorna, e que pretende involucrar as xeracións máis novas nesta tradición. A Vicepresidencia da Deputación de Lugo colaborou na dotación dos galardóns, cun lote de publicacións.