BURLA (FNC) .- O pleno do Concello de Burela celebrado onte acordou por unanimidade a aprobación inicial da ordenanza fiscal reguladora da taxa pola utilización privativa ou aproveitamento especial de dominio público local polas empresas subministradoras de servizos de telefonía móvil. Tamén foi aprobado definitivamente por unanimidade a instalación dunha subestación eléctrica no municipio.
O rexedor, Alfredo Llano, subliña a aprobación por unanimidade dunha resolución en defensa do mantemento da área sanitaria da Mariña, pero critica que “ata onte os membros do PP de Burela non visen a luz, aínda que máis parece que quixeron salvar un pouco os mobles con toda a polémica e a incerteza que se creou estes días na nosa vila e tamén en toda a comarca”. O alcalde engade que “sospeitamos que os populares bureleses sí están de acordo coa integración da Mariña nesa área sanitaria única que tería como epicentro Lugo, xa que estiveron moi caladiños ata o de agora. Nós non podemos permitir que eso ocorra porque suporía un retraso e sería algo moi negativo para toda a comarca”.
Alfredo Llano amósase sorprendido de que “se solicite desde o PP a ampliación de servizos para o hospital de Burela, e que quitasen de aquí nada máis chegar as autopsias que agora se fan en Lugo. Ás primeiras de cambio ó chegar á Xunta suprimiron ese servizo no hospital de Burela, é algo que non entendemos. Estaremos moi atentos a todos os movementos que se poidan producir neste sentido e loitaremos para defender o mantemento da área sanitaria da Mariña”.
No pleno celebrado onte foi aprobada por unanimidade unha moción do PP solicitando a creación dunha comisión de seguimento do PXOM, “aínda que incluímos unha emenda do equipo de goberno porque non estábamos de acordo co calendario de xuntanzas que pretendían establecer. Cremos que se está a dar información na comisión de urbanismo e cando teñamos máis datos e máis información farase chegar a esa comisión de seguimento, pero será cando haxa datos suficientes para seren contados. BNG e PSOE queremos ademais que os veciños aporten as súas opinións sobre o plan xeral”, segue a contar Alfredo Llano. O alcalde engadiu que “tamén analizamos dous mocións sobre o financiamento presentadas polo PP e ás que nós tamén propuxemos emendas. Nós queremos implicar á Xunta de Galicia en todo esto porque ten responsabilidades e queremos que se comprometa a complementar o financiamento dos concellos. Cando se negocie todo o relativo ó financiamento local terán que estar presentes os concellos, as autonomías e o goberno central para entre todos chegar a ese novo modelo e ó regulamento xurídico no cal se vai basear”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
