LUGO .- A Deputación inviste preto de 2 millóns de euros na mellora de varias vías provinciais que pertencen a estradas da Montaña, A Pontenova e Taboada, nas que o organismo provincial acondicionará preto de 24 quilómetros.
Nota de Prensa
A Deputación inviste preto de 2 millóns de euros na mellora de varias vías provinciais
– Pertencen a estradas da Montaña, A Pontenova e Taboada, nas que o organismo provincial acondicionará preto de 24 quilómetros
– A Xunta de Goberno aproba a contratación de máis actuacións do canon de Chantada, Monforte e Negueira de Muñiz por valor de 866.000 euros
– Acórdase a contratación do servizo de asistencia técnica, xurídica e administrativa para a xestión do ciclo integral da auga nos 23 Concellos que se sumaron a esta liña de Cooperación
A Deputación inviste preto de 2 millóns de euros na mellora de varias vías provinciais da Montaña, A Pontenova e Taboada. A Xunta de Goberno deste venres aprobou a adxudicación provisional das obras da CP 0706 de Guilfrei por Meizarán a Lamas, dende o punto quilométrico 0,000 ó 9,436, por valor de 830.339 euros; da C.P 4803 da Pontenova a Aguaxosa, dende o punto quilométrico 0,000 ó 11,000, por un importe de 928.501 euros; e o acondicionamento da estrada provincial que vai dende a N-540, por Campo e Piñeira, no Concello de Taboada.
No primeiro caso, trátase dunha vía que pasa polos Concellos de Becerreá, As Nogais e Triacastela, e a empresa adxudicataria é ACOVAL. Na estrada da Pontenova a empresa foi Isidro Otero e, na do municipio taboadés, Taboada e Ramos. Nesta, as obras afectarán a un treito de 3 quilómetros e a Deputación investirá 110.965 euros.
O voceiro provincial socialista, Antonio Gato Soengas, subliñou que son “actuacións de grande importancia para estes Concellos, xa que en total acondicionaremos preto de 24 quilómetros, ós que destinaremos 1.861.805 euros. Isto demostra o compromiso que ten a Deputación por ter unha rede viaria provincial en condicións, garantindo a seguridade dos cidadáns”. Neste senso, destacou que “son obras nas que predomina a aplicación de aglomerado en quente e a súa lonxitude, polo que estamos a realizar un esforzo extraordinario por manter as nosas estradas, garantindo os benestar dos veciños e veciñas da provincia”.
Canon hidroeléctrico
Fóra da Orde do Día tamén se aprobou a adxudicación provisional do acondicionamento do mercado gandeiro de Chantada a Construcións Mero por valor de 369.322 euros e as piscinas ó aire libre, edificio de bombeo e filtracións a Construcións Voces Chantada por un importe de 384.758 euros.
O pago do canon era unha débeda que arrastraba a Deputación co Concello chantadino desde hai 18 anos, e que xa pasou á historia. Grazas ó Plan de Obras, renovarase por completo o firme do mercado, mellorando notablemente a estrutura interna e de utilización do recinto e do seu acceso.
Asimesmo, deuse o visto e prace ó proxecto técnico relativo á contratación das obras da iluminación do río Cabe, en Monforte de Lemos, por valor de 87.613 euros. Esta actuación inclúese dentro do canon 08-09 deste municipio, ó que lle corresponden máis de 155.000 euros. Esta cantidade corresponde ós dous terzos da débeda total, quedando un terzo para o ano 2010.
Dentro deste apartado, tamén se aprobou o expedente de contratación da subministración e a adxudicación dunha cuña quitaneves para o Concello de Negueira de Muñiz por un importe de 24.418 euros. Esta actuación forma parte do canon deste Concello que, xunto co de Fonsagrada, se atopa na Zona Norte, e que, segundo o reparto, lles corresponden en 2008 e 2009 máis de 620.000 euros.
Outros acordos da Xunta de Goberno
A Xunta de Goberno acordou a contratación do servizo de asistencia técnica, xurídica e administrativa para a xestión do ciclo integral da auga nos Concellos da provincia. “Esta e outra medida de Cooperación, coa que aforraremos cartos ás entidades locais, ó igual que fixemos coa contratación do subministro eléctrico, que tanto éxito acadou e á que se adheriron preto de 50 Concellos”.
O importe deste servizo é de 37.700 euros e os municipios que amosaron o seu interese foron 23: Abadín, Baralla, Begonte, Castroverde, O Corgo, Friol, Guntín, Láncara, Meira, Monforte de Lemos, Monterroso, Navia de Suarna, Ourol, Paradela, A Pastoriza, Pobra de Brollón, Pol, Portomarín, Rábade, Ribadeo, Samos, Sarria e Taboada . Trátase dun estudo sobre a situación de servizos de abastecemento de auga potable, sumidoiros e depuración, así como da xestión de contadores e facturación. Permitirá coñecer o ciclo integral da auga e proceder á toma de decisións que se poidan levar a cabo.
Aprobouse o convenio entre a Deputación e a Universidade de Santiago de Compostela para a urbanización do edificio “A Granxa” para sede do Instituto de Biodiversidade Agraria e Desenvolvemento Rural (IBADER). Deste xeito, a subvención que se concede á USC ascende a 205.057 euros.
Tamén se acordou aprobar 10 contas xustificativas do Plan de Comunidades Veciñais dos anos 2008 (8) e 2007 (2). Suman 99.344 euros e a Deputación aporta 62.002 euros. Pertencen ós Concellos de Castroverde, A Fonsagrada, Guitiriz, Guntín, Mondoñedo, Pol, Ribeira de Piquín, Xermade, O Valadouro(2).
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
