BURELA .- A Plataforma Sanitaria cifra en 10.000 persas que participaron na manifestación de Burela e agradece aos asistentes a participación. O colectivo anuncia “novas mobilizacións se o PP non cambia os seus plans para a sanidade da costa”.
Nota de Prensa
O colectivo anuncia novas mobilizacións se o PP non cambia os seus plans para a sanidade da Costa
A Plataforma Sanitaria agradece aos preto de 10.000 mariñaos a súa participación na manifestación de Burela.
A Plataforma Sanitaria da Mariña agradeceu aos preto de 10.000 veciños de A Mariña a súa participación na masiva marcha celebrada hoxe en Burela en defensa do hospital da Costa e do mantemento dos servicios sanitarios na Mariña. Os membros da Plataforma destacaron o importante apoio popular ás reivindicacións sanitarias por parte da cidadanía tal que se comprobou coa mobilización de hoxe, a máis importante en participación da historia da Mariña despois da celebrada polos sucesos do Casón, o que deixa claro o sentir unánime dos veciños da Costa en defensa dos seus servicios médicos. Neste sentido quixeron destacar que á marxe do aspecto cuantitativo da participación, que deixou pequena a Praza da Mariña onde non puideron entrar parte dos manifestantes, o aspecto cualitativo posto que a pesar das presións, das chantaxes e das mentiras a que foron sometidos por parte do PP a cidadanía respondeu dando un exemplo de dignidade democrática.
Os colectivos e individuos que conforman a Plataforma quixeron esixir diante do clamor unánime da Comarca un cambio de rumbo na política sanitaria da Xunta de Galiza e nese sentido volveron a esixir da Consellaría de Sanidade que de marcha atrás cos seus planos. Neste sentido esixiron que a Xunta rectifique e asuma as reivindicacións da sociedade Mariñá que se concretan nunha área de Xestión Integrada Única propia da Mariña cun xerente de Area Integrada Única de Burela e non un Xerente Executivo que sería unha mera figura representativa así como nunha aposta firme e decidida por esta comarca coa ampliación real do Hospital da Costa e número de camas, implantación da Unidade de Oncoloxía, ampliación de Hemodiálise, pleno funcionamento da Consulta Maior Ambulatoria, unha Resonancia Magnética fixa, a hospitalización a domicilio, a posta en funcionamento dos servizos de tarde, os aumentos de plantilla e por suposto o reforzo e mantemento de tódolos servizos e unidades existentes tanto de Atención Primaria como de Especializada. A Plataforma Sanitaria da Mariña volveu a incidir que a Xunta de Galiza e o Partido Popular deben saber que calquera posición que non pase por asumir estas demandas vai seguir a contar co rexeitamento dos mariñaos e indicaron que a mobilización de hoxe non fecha a porta ningún proceso mobilizador senón que significa o inicio da loita dos mariñaos polas súas demandas en materia sanitaria.
A Plataforma Sanitaria considera que a manifestación de hoxe deixa en evidencia a aqueles que quixeron ver partidismo diante das demandas sanitarias e escenifica que o PP e a Xunta de Galiza quedou só na Comarca á hora de defender o seu modelo sanitario. Mesmamente exemplifica o grande exemplo de democracia que hoxe os mariñaos lle demos a todos os galegos e galegas, exercendo de cidadáns e persoas libres, exercitando a dignidade e reclamando o que nos é noso. Sería logo bo, que a Xunta e o PP tomen nota de que a súa campaña de intoxicación masiva e de medias verdades non funciona coas xentes da nosa comarca e sería tamén o momento de pedir desculpas a todos os mariñaos polas mentidas verquidas por representantes do PP e responsábeis da Consellaría de Sanidade. Temos claro que non nos merecemos uns representantes públicos que non só xogan a enganar a cidadanía, que non lle dá solución aos seus problemas sanitarios dos seus veciños e que aínda por riba xogaron estes días a insultalos e a faltarlles ao respecto.
Xa por último a Plataforma Sanitaria quere facer chegar a opinión pública que continuará coa súa loita en defensa da sanidade e da calidade asistencial que nos merecemos os veciños e veciñas do norte galego.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
