08 de Decembro de 2019

Correo | Favoritos  | Imprimir   

O PSOE esixe que a Xunta que nas negociacións dos acordos con Sargadelos inclúa ao conxunto dos traballadores do ERE

26-11-10

Nota de prensa
REGO ESÍXELLE AO DIRECTOR XERAL DE RELACIÓNS LABORAIS QUE NO DESENROLO DAS NEGOCIACIÓNS DOS ACORDOS CON SARGADELOS SE INCLÚA AO CONXUNTO DOS TRABALLADORES DO ERE

– O deputado do PSdeG-PSOE Ismael Rego valorou moi positivamente o compromiso do Presidente da Xunta coa viabilidade e a defensa do presente e do futuro proxecto de Sargadelos

-Reclamou ao Goberno de Feijoo que non perda de vista a situación na que se encontra a viabilidade da mesma, co obxectivo de que siga sendo compatible coa viabilidade do proxecto industrial e cultural, e tamén de compromiso da nosa identidade como pobo

-Sinala que a maioría da xente que adquire productos de Sargadelos “faino pola súa calidade, deseño, e tamén por que adquire un cachiño da cultura de Galicia”

Santiago de Compostela , 26 de novembro de 2010. O deputado do Grupo Parlamentario do PSdeG-PSOE Ismael Rego, interveu hoxe na Comisión 5ª do Parlamento para reclamar explicacións sobre as xestións que está a levar a cabo a Consellería de Traballo e Benestar para asegurar a continuidade de Sargadelos garantindo a totalidade dos postos de traballo da empresa. Alí esixiulle a Xunta que no desenrolo das negociacións dos acordos coa empresa se inclúa o conxunto dos traballadores do ERE.

Reclamou ao Goberno de Feijoo que non perda de vista a situación na que se encontra a viabilidade da mesma, co obxectivo de que siga sendo compatible coa viabilidade do proxecto industrial e cultural, e tamén de compromiso da nosa identidade como pobo. E sinala que a maioría da xente que adquire productos de Sargadelos “faino pola súa calidade, deseño, e tamén por que adquire un cachiño da cultura de Galicia”.

O deputado lembrou que o pasado día 4 de agosto, a empresa Sargadelos, radicada no Concello lucense de Cervo, presentou diante da Consellería de Traballo e Benestar, un expediente de regulación de emprego extintivo

Asevera si se cumpren estas pretensións, afectaría ao 30% do seu cadro de persoal, e sinala que “maioritariamente esta formada por mulleres que levan toda a súa vida laboral dedicada a esta empresa”, o que agrava o problema social que se produce na Mariña Luguesa. O deputado socialista afirma que Sargadelos no ano 2008 presentou beneficios, e asegura tamén que “tampouco teñen en conta o incremento de vendas que se ten producido no que vai de ano 2010 en máis dun 25%”. Puntualiza que estas cifras teñen que facer cambiar as previsións, e subliña que representa unha boa perspectiva de cara ao futuro da empresa retornando ao volume de negocio anterior á crise e volvendo á normalidade das vendas.

Explica que a empresa Sargadelos “é a unha empresa singular, que aparte da compoñente industrial, ten unha vertente de identidade cultural da Mariña onde se radica, pero tamén da provincia de Lugo e do conxunto de Galicia no resto de España e mesmo no estranxeiro”.

Para os Socialistas, Sargadelos foi e é un exemplo de saber combinar a actividade industrial artesanal e productiva, coa identidade cultural, cos valores sociais e artísticos, creando unha marca de prestixio coa calidade e a orixinalidade como referente, con deseños baseados en motivos relacionados coa tradición e coa cultura de Galicia.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive