Nota de prensa:
O presidente da Xunta comprobou durante a visita, esta mañá, a unha explotación gandeira a evolución da banda larga no rural, “clave para que calquera gandeiro poda realizar todos os trámites que precise sen saír da explotación; poda ter unha oficina virtual 24 horas, 365 días ao ano”
FEIJÓO DESTACA QUE 250.000 GALEGOS MÁIS TERÁN ACCESO A INTERTET A FINAIS DE ANO CO PLAN DE BANDA LARGA, ATA CHEGAR AO 100% DA POBOACIÓN NO 2014
“Imos a seguir levando internet onde non existe; a conquerir que o 100% das explotacións gandeiras, dos colexios públicos, das empresas, dos polígonos …, con independencia da súa localización, teñan acceso a internet e que, por fin, as infraestruturas do século XXI cheguen a Galicia a tempo”, asegura
Destaca que “hai 35.000 lucenses que teñen internet e que antes non tiñan”; “estamos dando acceso a internet a 1.700 núcleos de poboación que antes non o tiñan”
Di que este plan romperá a fenda entre a Galicia atlántica e a Galicia do interior e marcará “un antes e despois dunha Galicia igualitaria, dunha Galicia igual en todos os lugares onde se viva”
Taboada, 26 novembro 2010.- O presidente da Xunta, Alberto Núñez Feijóo, avanzou esta mañá que, grazas ao Plan de Banda Larga, 250.000 galegos máis terán acceso a internet a finais deste ano. “Temos un proxecto que se chama Banda Larga, no que estamos a traballar e no que estamos avanzando. Cando empezamos este proxecto, fai oito meses, -aseverou- 750.000 galegos non tiñan acceso a internet e, hoxe, podemos concretar que, a finais deste ano 2010, o 72% da poboación galega terá acceso a internet e a finais de 2011, o 82% dos galegos; e así iremos avanzando ata chegar ao 100% da poboación galega no 2014”.
Durante a visita ás instalacións dunha explotación gandeira no Concello de Taboada, Feijóo afirmou que a Xunta -cun investimento de 100 millóns de euros- traballará para cumprir o obxectivo da Axenda Dixital 2014. “Imos a seguir levando internet onde non existe; a conquerir que o 100% das explotacións gandeiras, dos colexios públicos, das empresas, dos polígonos …, con independencia da súa localización, teñan acceso a internet e que, por fin, as infraestruturas do século XXI cheguen a Galicia a tempo”.
O responsable do Goberno galego puido comprobar durante a visita a esta explotación a evolución da banda larga na comunidade; “comprobar –dixo- que é posible contactar coa Xunta de luns a domingo, todos os días e todos os meses do ano, que é posible dar de alta e de baixa unha cabeza de gando, consultar calquera tarifa, facer unha consulta permanente sobre a súa explotación; comprobar, en definitiva, que é posible traballar desde o rural coas mesmas posibilidades que en calquera cidade galega”.
Deste xeito, Feijóo subliñou a importancia de internet no rural, “clave –incidiu- para que calquera gandeiro poda realizar todos os trámites que precise sen saír da explotación; poda ter unha oficina virtual 24 horas, 365 días ao ano, para ter toda a información dispoñible e ter a posibilidade de tramitar todo o que necesite coa administración autonómica”.
No tocante á provincia de Lugo, o titular da Xunta destacou que “hai 35.000 lucenses que teñen internet e que antes non tiñan”, o que significa que “estamos dando acceso a internet a 1.700 núcleos de poboación que antes non o tiñan. Estamos actuando onde máis se necesita, na Galicia do interior, na Galicia agrícola para que podan traballar con máis ferramentas e con máis utilidade”.
Feijóo afirmou que este plan romperá a fenda entre a Galicia atlántica e a Galicia do interior e marcará “un antes e despois dunha Galicia igualitaria, dunha Galicia igual en todos os lugares onde se viva”. E reiterou o compromiso de aproveitar esta lexislatura para facilitar a toda a poboación de Galicia a cobertura de internet. “Os datos avalan que temos un proxecto ambicioso pero un proxecto que se pode executar. Temos o compromiso de que Galicia sexa das primeiras comunidades en ter infraestruturas do século XXI que son as infraestruturas tecnolóxicas, a banda larga, o internet; unha banda larga que permita manter a competitividade das nosas empresas, manter a competitividade de todas e cada unha das persoas que están traballando con independencia do seu lugar de traballo”, concluíu.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
