Nota de prensa
O CONCELLO CONTRATA A CATRO PERSOAS PARA A PISCINA MUNICIPAL
* Trátase de dous licenciados en Educación Física que continuarán a labor da Unidade de Promoción do Exercicio e 2 socorristas para reforzar a plantilla da instalación deportiva
Cervo, 10 de febreiro de 2010.- Esta semana incorporáronse á piscina municipal de Lieiro catro persoas para reforzar os servizos que ven prestando esta infraestrutura deportiva municipal nos últimos tempos.
Segundo indicou o concelleiro de Deportes, Rubén Fernández, dous dos catro traballadores son licenciados do INEF e o seu cometido será o de continuar a labor iniciada hai tres meses coa Unidade de Promoción do Exercicio (UPE) promovida pola Xunta de Galicia a través do seu programa piloto “Galicia Saudable”. “Queremos continuar con este proxecto, dada a gran aceptación que tivo entre a xente” salientou Fernández.
Ao fío disto avanzou que a intención do Goberno local é poñer en marcha diversos programas de acción á poboación para garantir a mellora da saúde e da calidade de vida dos veciños a través da promoción e fomento da práctica regular de actividades físicas saudables. “Trátase de seguir avanzando no traballo iniciado en novembro pasado para promover e impulsar a práctica da actividade física de xeito regular e saudable evitando o sedentarismo en todos os colectivos e as idades; e prestando especial atención a sectores da poboación coma escolares, persoas da terceira idade, discapacitados, ou persoas con enfermidades susceptibles de prevención e mellora mediante o exercicio” indicou.
Dous socorristas
Ademais destes dous licenciados en Educación Física, o Concello tamén contratou dous socorristas que compatibilizarán o seu traballo na instalación municipal e nos areais do concello. “Nun principio servirannos para reforzar a plantilla actual da piscina e tamén poderemos contar con eles para que desenvolvan as súas labores durante as primeiras datas da tempada de praia, como en Semana Santa, cando recibimos visitantes e a xente comeza a facer uso das praias” sinalou o responsable de Deportes local.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
