Este venres 18 de abril Álvaro Muras ofrecerá un concerto en Foz. Será na Terraza de O Lar de Foz a partir das 22.30 horas onde se pode disfrutar de música en directo con entrada de balde.

As praias de Barreiros serán escenario ao longo das vindeiras semanas da campaña COGE 3, que presentaron nas últimas horas o alcalde, Alfonso Fuente, o concelleiro de Medio Ambiente, José Manuel Gómez, e o responsable da escola de surf Augas Santas, Óscar García. A campaña inclúe a instalación de contedores e de carteis informativos nos accesos aos areais nos que se dan diversas recomendacións para un uso responsable de praias e ribeiras: "comprobar que levamos de volta á casa todo o lixo xerado na nosa estancia nos areais; colaborar co mantemento de sendeiros e camiños para conseguir un mellor entorno común; e recoller polo menos tres plásticos, que se atopen tirados, sendo este un xesto que axude a manter limpo o litoral e evitar a inxestión en peixes e outros animais".

Os Enredos de Semana Santa remataron este mércores cun obradoiro de xardinería no que os 40 nenos e nenas de infantil e primaria do municipio de Cervo sementaron unha planta que despois levaron para as sáus casas.

O grupo de Montaña de Tapia organiza, o domingo 27 de abril de 2014 o III ENCONTRO DE GRUPOS ASTUR-GALAICOS", uns encontros que se emprezaron a organizar o pasado ano a un ritmo de dous por ano: un en Galicia e outro en Asturias nos meses de outubro e abril, respectivamente. Así, nesta ocasión está prevista unha ruta con saída dende Tapia ás 08.45 horas; pero con dúas versións: unha longa e outra curta guiadas por José Luís Peruyeiro e Diego Fernández, respectivamente. No primeiro caso percorreranse 20 quilómetros de dificultade media-alta entre La Roda e Tapia pasando por Pico Faro e Porcía. No segundo caso o percorrido cultural será polo casco de Tapia. Os interesados poden informarse e inscribirse ata o 24 de abril nos teléfonos 689 175 515, 659 000 707 ou 608 540 828.

Amigos das viaxes achegarase a Ciudad Rodrigo, Monsanto (Portugal) o venres 2, sábado 3 e domingo 4 de maio no que aproveitarán para realizar unha viaxe en barco polo Douro entre Barco de Lava e Peso de Regua. O seu prezo é de 175 euros con aloxamento en hotel de 4 estrelas. Os interesados poden anotarse no teléfono 609 822 649.

O centro sociocultural Manuel Díaz Sampedro, de San Cosme de Barreiros, acolleu este martes un taller de ideas sobre iniciativas para moz@s. Esta actividade estivo dirixida a rapaces, entidades xuvenís, colectivos, técnicos e veciños en xeral maiores de 16 anos. Os participantes recibiron explicacións sobre a estrutura dunha iniciativa, a execución do proxecto, pautas para pasar do papel á realidade, prazos e cronograma, organización no tempo e metodoloxía práctica.Esta xornada estivo organizada pola Consellería de Traballo e Benestar, da Xunta de Galicia, e pola Concellería de Cultura e Xuventude de Barreiros.

A UNED-Aula Universitaria de Foz organiza dous cursos para este mes. O de "Ofimática para la Pyme: Hojas de Cálculo" desenvolverase entre o 22 e o 29 de abril de 16.00 a 21.00 horas de xeito presencial. Mentres que, pola súa banda, "Relatos Cotidianos" impartirase de xeito presencial e por streaming o 25 de abril e o 9 de maio en horario de 16.30 a 20.30 horas.