– Esta profesional da interpretación presentará o evento de moda con carácter benéfico que se celebrará o vindeiro día 8 de maio no Museo Interactivo de Historia de Lugo.
– Máis de cen profesionais farán posible unha Gala que será retransmitida por diferentes medios de comunicación e que reunirá ó mellor da creación e do deseño lucense.
– Os interesados en asistir poden facerse con algunha das entradas que aínda están á venda ó prezo de 20 euros nos establecementos dos deseñadores e peluquerías participantes .
Finalmente será a actriz Camila Bossa a encargada de exercer de mestra de cerimonias da 4ª Gala Lvcvs Moda, que se celebrará o vindeiro día 8 de maio, a partires das 21:00 horas, no Museo Interactivo de Historia de Lugo. Esta actriz galega, nacida en Colombia, comezou no mundo da interpretación no teatro universitario, malia que moi cedo deu o salto ó cine e a televisión, medio este o que lle proporcionaría o prestixio e a popularidade coa que conta na actualidade, ó facerse rapidamente un rostro coñecido para os espectadores galegos.
Tras o seu debut no veterán programa da TVG Luar, tivo un dos seus primeiros papeis na serie Pratos Combinados. Pero se Camila Bossa debe a popularidade e o cariño do público a algunha das súas interpretacións, sen dúbida é a do personaxe de Belinda na serie Mareas Vivas. Esta serie marcou un fito na ficción feita en Galicia, e nela Bossa contou co compañeiros de escena a grandes actores coma Luis Tosar ou Luis Zahera, quen daba vida precisamente a Petróleo, marido de Belinda.
A carreira de Bossa na televisión está marcada polo éxito dos proxectos nos que se ten embarcado, xa que tamén formou parte do elenco de protagonistas da serie As Leis de Celavella ou a prestixiosa e repetidamente premiada Matalobos. Grazas ó seu papel de Adriana, Bossa recibiu o recoñecemento de público e crítica, o que amosa o galardón Mestre Mateo á Mellor Actriz de reparto no ano 2009. Tamén conta cun extensa experiencia en cine: actriz en numerosas curtametraxes e telefilmes, coma O don da dúbida, O club da calceta, 18 comidas, A Mariñeira ou El año de la garrapata, exitosa película filmada en Lugo e dirixida polo tamén lucense Jorge Coira. Na actualidade segue adicándose á interpretación, tanto en televisión coma en cine e teatro.
Participantes na Gala Lvcvs Moda
A Gala da Moda reedita unha vez máis o seu éxito. Máis de 100 profesionais participan directamente na gala, do mesmo xeito que en anteriores ocasións, e novamente a Fundación TIC levará a cabo un importante despregamento de medios, para dar cobertura a un evento que será seguido por numerosos medios de comunicación.
Ademais dos profesionais que estarán tras o escenario, enriba da pasarela amosaranse espectaculares deseños realizados cos materiais máis dispares: pel, coral, seda, plumas, encaixe e mesmo xuncos. Os artífices destas creacións serán cinco deseñadores: Inpe-Abrigo Verde, Luis Areñas para Manuel López, Montse Arias, René Velasco e Tina Cortón; un total de 17 artesáns agrupados en 14 firmas: Cecilia Carballo, Cesteríaviva, Corazóns Artesáns, En lá, Jara Rodríguez, M&N, Obradoiro, Otero y Fieiras, Paula Dimé, Ramón Álvarez, Rappa Taller, Sra. María, Vidal Revilla e Yanllan.
Este ano os 7 profesionais da imaxe presentes, Aluma, Attelier, Eduardo Souto, Gala Group, Miriam Souto, Mohama e Pardo Peluqueros, ofrecerán ós asistentes un show de peluquería, no que os imaxinativos peiteados serán o centro do desfile e non parte do estilismo.
Tamén hai moitas firmas que queren colaborar con esta Gala benéfica prestando o seu apoio: Adamascada Asesor de Imagen, Area, Arte Floral Rabel, Cuplé, Dick&Paul, Joyería Senén, Messalina, Modesto Santa Eularia, Porta Castelli, Ramón Rebolo, Rochas, Torques, Zapaterías Cortés, Lolita Blú, IES Muralla Romana, Mesón de Alberto, Restaurante Koki García, Cuqui Bakes, Estrella Galicia, Begano-Coca Cola e Vriopack, contribuirán a facer desta cita benéfica un evento destacado no calendario lucense.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
