A actual programación do Museo Provincial do Mar de San Cibrao acolle diferentes actividades ó longo destes días. O xoves 16 de maio haberá un obradoiro de expresividade oral, dramática e musical que coordina Pepa Yáñez Anllo. Será de 18.00 a 19.30 horas. A continuación, gravarase un lipdub co tema “Logo chega o día” do grugo Lamatumbá. O produto final será difundido a través das redes sociais. Doutra banda, o Días das Letras Galegas, venres 17 de maio, terán unha xornada de homenaxe a Roberto Vidal Bolaño. Durante toda a semana desenvólvese un photocall para caracterizarse co chapeu e o nariz de pallaso (que identifica ó dramaturgo) e fotografarse cun cartel coa palabra en galego que máis lle guste á persoa que se achegue ó museo. Ás sete da tarde do venres haberá tamén un Concerto das Letras do grupo de blues-rock en galego Megara. Finalmente, o sábado 18 de maio que é o Día dos Museos haberá ás 18.00 horas “Entre maiores: un obradoiro de comunicación”, con vídeoconferencia entre os 4 museos da Rede Museística Provincial. O broche final será un novo concerto a cargo de Alejandro Canoura (Guerrera) con blues-rock.
ÚLTIMA HORA
- O eclipse reforza a proxección turística de Ribadeo e das Catedrais
- Arrinca a Feira do Libro de Viveiro con preto de medio cento de actividades
- O Espigón da Lonxa acollerá o I Concurso de Pesca Xuvenil de Burela
- Nova adxudicación millonaria para a planta de biorresiduos de Cervo dentro da rede galega de compostaxe
- Presentación de 'Espiritualidad'
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó. - O pasado martes, 11 de agosto, 20 mozas e mozos de Xove de entre 12 e 15 anos desprazáronse ás instalacións de Urban Planet, en Oleiros
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”. - Lectura dramatizada dun fragmento da peza teatral Eclipses, de Manuel Lourenzo, na Frouseira
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. https://www.facebook.com/reel/4490112317922687 - Colisión cun atrapado e un ferido no Vicedo
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada. - Máis de 5.000 persoas asistiron o pasado sábado na Praza de España ao Gran Guateque, organizado polo Xacobeo e polo Concello de Ribadeo
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila". - San Miguel de Reinante, en Barreiros, encheuse de música, cor e tradición este sábado, 8 de agosto, co XLIII Festival Folclórico Internacional do Emigrante, declarado Festa de Interese Turístico
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible. - A conselleira do Medio Rural, María José Gómez, asistiu este sábado á celebración do XXXIV Mercado Medieval de Mondoñedo, que se celebra ao longo desta fin de semana
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
2021 Crónica 3 A Mariña - Implementado por GaliciaDigital