Os IES Monte Castelo de Burela e Dionisio Gamallo de Ribadeo convertéronse nos grandes gañadores do Festival Audiovisual da Mariña Imaxiña 2013, con cadanseu premio en Fotografía destinados á alumna burelá Ana López e ao ribadense David Darriba.
Así o deu a coñecer este sábado a Fundación Imdecum nas instalacións do Monte Castelo, nun acto que contou coa presenza do vicepresidente primeiro da Deputación de Lugo, Antonio Veiga, e o alcalde de Burela, José María González Barcia, xunto ao tenente de alcalde, Manuel Fernández, e o polifacético artista viveirense David Catá, ademais do presidente do colectivo, Marcelino Luna, así como o vicepresidente, Manuel Blanco, e o secretario, José Luis Sáez.
A edición de 2013 resolveuse con dobre premio na categoría de Fotografía, con dúas visións do mar moi diferentes, pero igual de fermosas. En Burela cun cadro de Ana López co faro ao fondo e Benquerencia, de David Darriba, un día de temporal. Tamén resultaron finalistas traballos doutras dúas alumnas do Monte Castelo, Uxía Treitas e Lucía Rivas, e do ribadense Andrés Álvarez. O xurado do concurso decidiu declarar deserta a vertente de vídeo.
Este festival, que combinou obradoiros de fotografía e vídeo, impartidos pola produtora A Caixa Escura, e que contou coa colaboración do polifacético artista viveirense David Catá, supuxo unha nova tentativa por captar a atención da xuventude da Mariña. Nesta edición, participaron alumnos de seis centros de ensino secundario da comarca: IES Monte Castelo, de Burela; IES Marqués de Sargadelos, de San Cibrao; IES Dionisio Gamallo Fierros, de Ribadeo; e o IES Vilar Ponte, de Viveiro, que xa participaron en edicións anteriores; e aos que se sumaron o IES María Sarmiento, de Viveiro e o IES Illa Sarón, de Xove.
Na apertura da entrega de premios, Marcelino Luna salientou “o éxito da terceira edición do festival audiovisual, cunha grande implicación da xuventude da Mariña que nos conseguiu cativar coas súas belísimas e dispares visións da Mariña”. “O Imaxiña 2013 reuniu a máis de 500 alumnos de seis centros de ensino da bisbarra en torno aos medios audiovisuais; foi unha edición onde destacou a calidade fotográfica, na que calquera das pezas finalistas merecería ser a gañadora” explicou o presidente de Imdecum. Así mesmo, agradeceu a colaboración na iniciativa da empresa A Caixa Escura Producións e o valioso apoio do emerxente artista David Catá, así como a axuda institucional “sen a que as nosas iniciativas non terían viabilidade”.
Coincindo con Marcelino Luna, o vicepresidente da Deputación congratulou a todos os participantes no concurso resaltando “a alta calidade dos traballos presentados” e destacou “a importancia deste tipo de iniciativas en canto permiten fomentar as inquedanzas culturais e a creatividade do estudantado da comarca, unha comarca rica con infinidade de recunchos por descrubrir”. “Reitero o agradecemento a Imdecum pola súa aposta de promoción do Deporte, Cultura e Turismo na Mariña” dixo Antonio Veiga. Pola súa banda, José María González Barcia, sumouse ás felicitacións e animou tanto a xuventude da Mariña coma á Fundación Imdecum a seguir promovendo a riqueza e dinamismo da comarca, “un compromiso de todos os cidadáns da Mariña”.
Durante a entrega de premios, Antonio Veiga congratulou a todos os participantes no concurso, resaltando “a alta calidade dos traballos presentados” e destacou “a importancia deste tipo de iniciativas en canto permiten fomentar as inquedanzas culturais e a creatividade do estudantado da comarca”.
Exposición
O acto concluíu coa inauguración da exposición dos traballos dos finalistas no centro de ensino burelao. A mostra, que tamén está composta de imaxes de 2012, poderá contemplarse no IES Monte Castelo ata finais de febreiro. En marzo, recibiraa o IES de Ribadeo e en abril volverá a Burela para a Casa da Cultura. O resto dos centros participantes tamén poderán engalanarse e gozar das instantáneas entre finais deste curso académico e comezos do próximo, como aperitivo para a edición de 2014.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
