Rafa Casanova marca no minuto 89 o único gol do partido ante o Bertamiráns e deixa ó Ribadeo CF a 2 puntos da zona de promoción de ascenso. O encontro correspondente á xornada 14 disputouse este sábado 27 de decembro no Pepe Barrera tras ser aprazado debido ó mal estado do terreo de xogo non demasiado mellorado nas últimas semanas.
Con esta dificultade, os celestes enfrontábanse a un importante partido ante o colista que, a pesar de estar practicamente descendido, avisou ós locaiscun disparo no minuto 3. Isto serviu de revulsivo para os ribadenses que comezaron a marcar a diferenza.
Houbo claras ocasións para os mariñáns en todo o partido dende as botas de Rafa Casanova, o responsable do único tanto do partido, e Miguel Gomes que fallou a porta baleira despois de entrar sustituíndo a Brais. A defensa do Bertamiráns fixo o seu traballo e rexeitou os envistes dos locais ata que, finalmente, entrou o coiro na portería de Miguel.
Grazas a este tardío gol, os celestes suman 30 puntos e achéganse á salvación matemática. A vindeira xornada, o domingo 4 de xaneiro, mediranse ó As Pontes situado na décima quinta posición da táboa con 10 puntos menos que os de Germán e Vilachá. Xa o martes 6 de xaneiro, o Ribadeo medirase ó Foz nun encontro amigable no estadio Martínez Otero a partir das 18.30 horas.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
