Ribadeo, 24 de novembro de 2016. Este sábado, 26 de novembro, terán lugar en Ribadeo as IV Xornadas de Difusión de Proxectos Europeos que organiza a Asociación de Profesores de Automoción de Galicia (APAGA). A Innovación na FP mediante as Mobilidades de Alumnos e Profesores será o tema que se aborde neste encontro no que intervirán como relatores profesores procedentes de Austria, Croacia e Portugal.
As xornadas inauguraranse ás 10:00 horas, no hotel O Cabazo. O acto contará coa presenza de representantes da Xunta de Galicia, da Deputación de Lugo, dos Concellos de Ribadeo e de Barreiros, así como da Mancomunidade de Municipios da Mariña. Posteriormente terá lugar a presentación da FP en varios países europeos, que correrá a cargo dos profesores Hannes Gruenbichler e Friedrich Gamillscheg, de Austria, Anto Delac e Brankica Grgic Elzner, de Croacia, e José Luis Pelado, de Portugal.
Pola tarde a partir das 16:00 horas presentarase o proxecto Aprender a Aprender na FP. Ás 16:30 horas terá lugar a presentación do proxecto Innovación e Coñecemento na FP no que se abordarán a valoración das mobilidades e dos materiais elaborados e o programa de sostibilidade. Ás 17:30 horas falarase do proxecto Coñecemento e Formación para a Empregabilidade con presentación das mobilidades, difusión do proxecto nos centros do consorcio, selección de candidatos, información económica e programas formativos. Ás 18:30 horas será tempo para facer o seguimento do proxecto Networking on mobility and innovation in Vocational Training cos obxectivos e contidos do proxecto e os socios. A xornada concluirá co informe que se presentará a partir das 19:00 horas do proxecto presentado Impulso á Empleabilidade e os proxectos a presentar no decurso do 2017.
Nestas xornadas está previsto que participen arredor de 30 profesores de FP procedentes de diferentes cidades galegas, como Ferrol, Pontevedra ou Verín e tamén por vídeo conferencia se fará unha conexión con participantes de Pamplona e Murcia.
Tras a xornada de traballo do sábado, os participantes aproveitarán o domingo para facer un percorrido pola zona e xunto a representantes de APAGA visitarán ademais de Ribadeo e a praia das Catedrais, Mondoñedo, Lourenzá e a localidade asturiana de Taramundi. APAGA faralles entrega aos profesores austríacos, croatas e luso dun exemplares da guía The North of Lugo, promovida pola propia asociación e realizada por Faro Norte Comunicación co obxectivo de “darlles a coñecer toda a riqueza paisaxística e monumental do norte lugués”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
