Foz, 16 de maio de 2019. O candidato á reelección como alcalde focense polo Partido Popular, Javier Jorge Castiñeira, aclara que quería participar no debate organizado polo IES de Foz, como xa fixo noutras moitas ocasións en actos deste tipo. Ademais segue disposto a estar en calquera debate que se organice.
Javier Castiñeira explica: “fun o primeiro sorprendido cando hoxe á maña o director do IES me anunciou que desde a inspección educativa non lle autorizan realizar o debate electoral previsto para as 12 do mediodía no instituto, no que eu tiña comprometido participar co resto de candidatos. Esta decisión de suspender o debate respéctoa, pero que non a comparto, especialmente cando xa estaba organizado”.
Ademais o cabeza de lista dos populares focenses recorda: “nunca me neguei a facer nin un só debate e son o candidato dos actuais que en máis debates electorais participou, incluso moitos deles tensos e con rivais de máis experiencia e traxectoria política ca os actuais, como o señor Rivera, o señor Cancio ou mesmo o señor Basanta, xa desaparecido, saíndo en todos brillantemente ben parado”.
A Castiñeira parécelle “lamentable que certos partidos aproveiten esta circunstancia allea totalmente ao Partido Popular para culparnos directamente da supresión cando nós fomos os primeiros que aceptamos dito debate e estaríamos encantados de mostrar os numerosos argumentos adquiridos nestes últimos 4 anos en prol da xuventude e a educación no noso pobo”.
E Javier Castiñeira remata manifestando: “sigo aberto a participar en calquera debate electoral e lamento a baixeza dalgún dos grupos políticos para con elo tentar sacar algún rendemento político, utilizando falsidades sobre este asunto, porque o debate foi desautorizado pola inspección educativa polas razóns que estimaran oportunas e que, repito, respecto pero non comparto”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
