26 de Setembro de 2020

Correo | Favoritos  | Imprimir   

As monitoras do Centro Gaia, do Concello de Burela, realizaron este venres un paseo por camiños costeiros

10-08-19

 Burela, 10 de agosto, 2019. As monitoras do Centro Gaia, do Concello de Burela, realizaron hoxe un paseo por camiños costeiros desde onde se pode contemplar o mar e que discorren polo Sendeiro Azul, entre a zona da praia A Marosa e a praia de O Portelo, descubrindo desde outra perspectiva o encanto das súas preciosas paisaxes.

Neste traxecto estiveron acompañad@s por socios pertencentes á asociación Pasada das Cabras que “nos explicaron e ensinaron as coñecidas Tetas da Vinculeira, que algúns arqueólogos consideran torres monumentais que sinalan a entrada á fortificación castrexa e onde se atopou a peza máis importante da ourivaría mariñá, o Torques de Burela”, sinalaron as monitoras.

Desde Gaia e desde a Concellería de Medio Ambiente engaden que “con esta actividade preténdese que os máis pequenos desenvolvan actitudes de respecto polos espazos naturais, favorecer a actividade grupal e coñecer a historia de Burela”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive