Burela, 12 de agosto, 2019. “O ano pasado foi o gran soño, o do ascenso; este sabemos que vai ser moi diferente. Tocaranos sufrir pero chegamos con toda a ilusión de superarnos día a día, para dar pasos e conseguir o noso obxectivo en Primeira. A gran meta do equipo é manterse na elite, co meu obxectivo persoal de seguir medrando e dar pasos relevantes en experiencia sobre a pista” explicaba o onubense Ramón Vargas Pérez, inmerso en plena pretempada e logo de estrear a axenda laranxa de amigables o sábado en Tapia de Casariego.
“Foi un bo comezo, duro coma en todas as pretempadas, pero volvemos ben, co traballo individual do verán” explicaba o ala, xunto ao presidente do Pescados Rubén Burela FS, Manuel Blanco, e o secretario, José Ángel Dovale. Os pupilos de Juanma Marrube saldaron o test inaugural en Asturias, nun triangular, cun axustado 3-2 a favor de Atlético Benavente FS e 3-1 sobre Boal FS: “É o comezo, estamos collendo sensacións na pista e coñecéndonos todos. Queda moito por diante e seguiremos traballando para sacar a máxima rendibilidade de pretempada e así chegar o mellor posible ao comezo de liga. Precisamos tempo para que todos nos coñezamos ben, coa adaptación de Álex Diz, Everton e Amoedo, en pista, ademais de Kaluza, na portería” explicaba o andaluz, de 21 anos, que cumprirá a súa segunda tempada na Mariña.
Movistar será o seguinte rival nesta etapa preparatoria, con cita en Illescas este sábado a partir das 19.00 horas: “Vai ser unha gran toma de contacto das esixencias que nos imos a atopar en Primeira, esperamos un choque moi bonito” adiantaba R. Vargas, facendo referencia tamén á presentación do equipo no mausoleo laranxa, co Torneo Burela Bonita da próxima semana: “O ano pasado xa o vivín e é unha cita preciosa para a pretempada de Vista Alegre”, concluía o xogador mariñán.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
