Foz, 27 de setembro, 2019. A asociación cultural O Castro, a asociación O atrio, a Asociación de Veciños de Vilaronte e a asociación A Pomba do Arco organizan o sábado 28 de setembro un roteiro por Vilaronte co obxectivo de divulgar os elementos de relevo do seu patrimonio e espallar aspectos da súa historia.
A actividade, organizada en parcería pola totalidade dos colectivos de Vilaronte, A Pomba de Arco e que conta coa colaboración da Delegación de medio rural e patrimonio do concello de Foz, dará comezo ás 16:00 horas no campo da feira da Espiñeira. Os participantes poderán visitar as antigas minas de ouro da zona, os restos das caleiras e da grande fabrica de cal da Goleta e coñecer a historia da importante relevancia económica do burgo. A Espiñeira nos anos finais do século XIX e comezos do XX foi un dos grandes pulmóns industriais e comercias do concello de Foz, onde destacaban a actividade mercantil ligada á feira e as comunicacións, os estaleiros de Barbeito, ou a mercantil Electra del Masma, propiedade da de Xosé Reimunde e Damían López.
A visita continuará no barrio das Charelas, auténtica xoia da arqueoloxía industrial, onde se conservan diferentes mostras do antigo complexo industrial impulsado por Damián López. A carón dos antigos serradoiros da compañía, destinado fundamentalmente á produción de táboa para ser utilizada nas explotacións mineiras de Asturias, atópanse aínda os talleres mecánicos da importante flota de camións da empresa, ás vivendas dos directivos, a enfermaría da fábrica e a caldeira de coxeneración empregada para ofrecer enerxía ao centro de traballo. No mesmo percorrido reparase nas múltiples mostras de arquitectura indiana conservadas en Vilaronte, que dan conta da importancia da emigración, nas primeiras décadas do século XX con destino a América e xa na segunda metade con dirección a Europa, particularmente a Franza.
O percorrido rematará coa visita a sé da antiga Casa do Concello de Vilaronte, á igrexa parroquial e ao lugar do castro. O concello de Vilaronte, formado polos núcleos de poboación que a día de hoxe conforman as parroquias de San Martiño de Mondoñedo e Vilaronte, manterase como axuntamento independente até 1839, momento no que se pasa a incorporar ao concello de Foz. Á volta de 1923 a veciñanza volve propoñer a súa constitución como municipio propio, ficando constituída como Entidade local menor de poboación dentro de Foz até 1929. Ao tempo os visitantes poderán algúns aspectos significativos do templo parroquia, onde destaca o campanario da mesma, financiado en 1846 polo barqueiro da Espiñeira Xosé Alonso Ramos, e a pía bautismal, datada no século VII e cuxa autoría corresponde a un obradoiro francés con diversos traballos documentados ao longo do Camiño de Santiago.
A actividade dará remate ás 19:00 h coa proxección no local da asociación cultural O Castro do documental Riquezas Lucenses. Riquezas Lucenses é un filme documental da autoría do cineasta madrileño Carlos Boué, gravado en 1946 sobre un guión do directivo da empresa de Damián López Ramón Talenti. A produción, financiada polo propio grupo empresarial, repasada a actividade desenvolta nas diferentes factorías do grupo, destacando as imaxes tomadas nos traballos dos serradoiros de Vilaronte, podéndose atopar nel a un número de veciños desta localidade que traballaron nas referidas empresas. Ao final da proxección, dunha duración dun vinte minutos, abrirase un coloquio sobre diversos aspectos da historia de Vilaronte.
As entidades convócante do acto desexan en primeiro termo convidar a toda a veciñanza de Vilaronte e do conxunto da Mariña nesta xornada de recuperación da memoria histórica da localidade. A fin de poder organizar axeitadamente o roteiro e máis a proxección do filme pregamos vos poñades en contando cos organizadoras do acto antes do 26 de setembro nos números de telefono 608-555-010 ou 636 587 098 xa que as prazas para actividade son limitadas.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
