Cervo, 24 de setembro 2019.- O Centro de Emprendemento acondicionado no edificio das Antigas Cabalerizas de Sargadelos completa a súa oferta cunha actividade do sector terapéutico e sociosanitario.
O rexedor, Alfonso Villares, asinou o contrato coa persoa adxudicataria do local número 3, Mª Reyes Quelle Fra, que ten previsto iniciar proximamente a actividade dun Centro Terapéutico que bautizou como “Pasiños na Lúa”, xerando así “un recurso sociocultural, rehabilitador e dinamizador para todas aquelas persoas que presentan algún tipo de limitación, sexa cal sexa, na súa anatomía, no seu patrón condutual-emocional, na súa contorna, na súa fisionomía, ou simplemente que estea a pasar por un mal momento que lle limite desfrutar ao cento por cento da vida”, segundo explicou a adxudicataria deste espazo.
Tal e como explicou Villares “con este novo proxecto cubrimos a totalidade dos locais que acondicionamos no edificio das Antigas Cabalerizas e que puxemos a disposición das persoas emprendedoras por un aluguer simbólico, que rolda os 20 euros mensuais”.
O rexedor subliñou que “é unha satisfacción poder ver culminar este proxecto no que tanto empeño puxemos desde este equipo de Goberno, e que agora podemos ver que é unha realidade”. Villares puxo en valor, así mesmo, “o impulso e o dinamismo que lle outorgan este novos negocios ao Conxunto Histórico Artístico de Sargadelos, que atrae cada vez máis visitantes que poden desfrutar dunha contorna natural única, aderezada agora con diferentes actividades que lle dan, sen dúbida, ese valor engadido”.
No Centro de Emprendemento están instalados o establecemento de fabricación e venda de táboas de surf artesanais “Serea Surfboards”, o obradoiro creativo con tenda e estudo de tatuaxes “Enigma”, o centro ecuestre “Cabaliño de Pao”, o café bar cultural “A Sacabeira”, e o establecemento de alimentación ecolóxica “Marmeladas A Morena”.
Villares precisou que a ocupación total do Centro avala a “importante aposta que fixemos para poder poñer en marcha este proxecto concibido cun dobre obxectivo; por unha banda co fin de darlle ese impulso ao Conxunto Histórico; e por outra para ofrecerlle a estas persoas emprendedoras unha opción para poder iniciar a súa actividade facendo fronte a un custe asumible”.
O alcalde subliñou que foron moitas as persoas interesadas nestes locais e que, se ben nestes intres non dispoñemos de máis oferta, “estudaremos a posibilidade de habilitar novos espazos municipais para fins similares”.
O Centro de Emprendemento de Sargadelos completa a súa oferta cunha actividade do sector terapéutico e sociosanitario
Relacionado
-
Ribadeo será o primeiro concello galego en aprobar unha ordenanza específica para autocaravanas e vehículos camperizados
-
Ortigueira pon en marcha a segunda edición do servizo de podoloxía e fisioterapia a domicilio para pacientes do SAF
-
A Escola Infantil Municipal de Cervo recibe formación acreditada en soporte vital básico e uso do DESA
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
