Lugo, 24 de setembro de 2019.- O Grupo Provincial do BNG logrou o respaldo do PsdeG e do PpdeGá súa proposta para salvagardar os postos de traballo e a actividade industrial en Alcoa San Cibrao.
A moción insta á Xunta de Galicia a constittuír unha mesa de negociación coa multinacional e o comité de empresa de San Cibrao para demandar a activación das 32 cubas en suspenso e velar polo mantemento do emprego e da actividade industrial en tanto se mantén a actual situación de declive industrial e inestabilidade nos prezos da enerxía.
Asi mesmo demanda ao Goberno do Estado medidas urxentes respecto do marco enerxético co fin de paliar a crise da industria electrointensiva galega. Neste senso esixe a aprobación inmedidata do estatuto do consumidor electrointensivo tendo en conta as achegas do sector galego, coa inclusión dun paquete de medidas compensatorias polos atrasos antes do final de 2019. Solicita a substitución do sistema de poxa de interrumpiblidade por unha regulación estábel que permita prezos competitivos no sector con compromisos no mantemento do emprego.
Tarifa eléctrica galega
Ademais, a moción solicita que o futuro sistema enerxético estatal contemple unha tarifa eléctrica galega que compense a Galiza polos custes ambientais e sociais que implica a xeración de enerxía.
O voceiro do BNG, Efrén Castro, defendeu que a proposta “apunta a todas as institucións, porque a situación de Alcoa San Cibrao é un problema galego no que o Estado se ten que mollar e no que a Xunta tampouco se pode poñer de perfil. O BNG leva moitos anos propoñendo unha tarifa eléctrica galega que potenciaría a industria galega e que impediría que chegasemos a este punto no que a pantasma do peche planea sobre Alcoa”
O deputado nacionalista lembrou que a proposta foi rexeitada e mesmo “ridiculizada” polo presidente da Xunta de Galicia mentras o goberno de Euskadi logrou unha tarifa propia que contou co respaldo do Parlamento europeo e que “aforrou 50 millóns de euros” a súa industria nacional. “Esa é a diferenza entre ter un goberno que se preocupe pola industria e outro que non o fai”, comparou.
Efrén Castro afeoulle ao Partido Popular a súa traxectoria en relación coa problemática de Alcoa, remarcando que “os representantes do partido fosen a San Cibrao unicamente a facerse unha foto”. “Nos fomos a reunirnos co comité de empresa e a formularlles a nosa proposta, o mínimo que se pode esixir a unha formación política”, remarcou.
O voceiro nacionalista transladou o “apoio” do BNG aos traballadores e comité de empresa de Alcoa que esta mañá se reunía co presidente da multinacional en España, Álvaro Dorado.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
