Lugo, 11 de setembro de 2019. A secretaria provincial Socialista e Deputada Autonómica, Patricia Otero, denunciou este mércores a falla de planificación do Goberno de Feijoo no inicio do curso escolar na provincia de Lugo. Nese senso Otero avanzou que o Grupo Socialista rexistrou unha batería de iniciativas parlamentarias para coñecer cal é o motivo das incidencias nos centros da provincia.
A secretaria provincial advirte “que o inicio de curso en educación infantil e primaria na provincia de Lugo semella que non está a ser tan normal como os servizos de información da Xunta de Galicia”. Otero lembra as palabras da propia Conselleira de Educación durante unha visita ao CEIP de Casás en Lugo nas que afirmou que “o inicio das clases non se atrasará en ningún centro educativo galego a pesar de que hai colexios nos que aínda continúan obras de mellora cuxa execución comezou a realizarse durante o verán”.
Patricia Otero relata que no caso da Mariña lucense, “xa que nun claro exercicio de propaganda, a Delegación Territorial da Xunta en Lugo confirmou que os tres colexios da comarca onde se están levando a cabo obras de reforma integral e mellora da eficiencia enerxética —os CEIP Nº 1 de Foz, o Virxe do Carme de Burela e o de Cervo— empezarán as clases o próximo día 11, a data establecida para o inicio do curso do alumnado de 2º de ciclo de infantil, primaria e educación especial. Iso si, ante a posibilidade (por non dicir certeza) da existencia de obras nos centros, tamén se afirmou que “O equipo técnico da consellería, en coordinación coas empresas adxudicatarias das obras e cos equipos directivos dos centros, deron prioridade ás obras que afectan ao interior das instalacións, aulas e espazos docentes precisamente para que estean listos de cara ao inicio do curso”, pero que “poden continuar algúns traballos no exterior, fundamentalmente nas fachadas dos centros, ou pequenos remates no interior das instalacións, que en ningún caso interferirían na actividade ordinaria dos colexios”.
Centros de Foz e Cervo
“E no que se refire ao CEIP Nº 1 de Foz o curso comezará sen dispoñer do edificio antigo, nin o patio de educación infantil, nin o pavillón e, posiblemente, deban facerse quendas durante os períodos de lecer. No caso de Cervo, a ANPA decidiu por unanimidade non mandar aos seus fillos e fillas ao centro ante o estado no que se atopan as obras do centro escolar”, denuncia Otero.
CEIP de Casás en Lugo
Tamén alude a outro caso en Lugo “que evidencia que a execución das obras non é tan modélica como se pretende facer ver, como por exemplo as obras no CEIP de Casás en Lugo no que, pese á visita da Conselleira, a ANPA nun extenso comunicado pide que o alumnado non acuda ao centro, polo menos, durante esta semana”, advirte.
“Queremos menos anuncios e máis traballo”
Ante este panorama Otero critica “a falla de planificación e o retraso na licitacións destas obras, xa que tal e como constamos están impedindo o normal inicio do curso escolar na nosa provincia”. Así as cousas afirma que “hai unha irresponsabilidade total por parte do Goberno de Feijoo e do PP que inicie o curso con estas obras, xa que poden poñer en risco a seguridade tantos dos alumnos como dos docentes”, advertiu.
“A Balseiro enchéuselle a boca de dicir que as obras nos centros ian ser realizalas aproveitando as vacacións, pero as vacacións xa remataron, e as obras seguen, polo tanto mentiron e enganaron aos cidadáns”, espetou.
Por último lembrou que a Consellería de Educación anunciou estas obras no Parlamento de Galicia en maio deste ano “pero non tivo tanto presa en executalas e licitalas. Queremos menos anuncios e máis traballo para que os alumnos da provincia de Lugo poidan comezar as clases con total normalidade”, resumiu a Secretaria Provincial.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
