Burela, 30 de outubro de 2019. O concelleiro de Cultura en Burela, José Díaz, anunciou que xa están á venta en ataquilla.com as entradas para asistir aos tres espectáculos dos que gozarán bureleses e mariñáns en decembro. O día 20 será o musical infantil Vaya Santa Claus, o día 25 terá lugar a actuación da Compañía Nacional de Danza de Ucrania e o 27 Manuel Manquiña chegará a Burela con Relatos Negros. Xan Carballal, director da Escola de Música de Burela, subliña a importancia da presenza na localidade da Compañía Nacional de Danza de Ucrania, xa que se trata dun grande espectáculo de música e danza a cargo dun dos mellores elencos do mundo. Por este motivo Carballal recoméndalle ao seu alumnado que se achegue a disfrutalo.
O edil de Cultura contou que “temos á venta en ataquilla.com entradas dispoñibles para ver a Manuel Manquiña o 27 de decembro ás oito da tarde. É un novo espectáculo que se chama Relatos Negros, que é unha comedia de humor negro en torno á forma de matar e ás motivacións do ser humano para matar, todo en ton de comedia e contado por un actor da escena galega coñecido por todos que nos faltaba por ter en Burela. As entradas son sen numerar e véndense ao prezo de 10 euros”.
José Díaz seguiu a relatar que “tamén temos en venta en ataquilla.com entradas para Virskiy, o espectáculo de danza do Ballet Nacional de Ucrania, que estará no pavillón Vista Alegre o día 25 de decembro ás sete da tarde. Hai a zona principal, que é a grada norte central na que o prezo das entradas é de 15 euros, e nas gradas laterais, onde a visibilidade é practicamente a mesma, véndense ao prezo de 12 euros. Ademais temos á venta en ataquilla.com entradas para o musical Vaya Santa Claus que vai ser o 20 de decembro. Tamén temos dous prezos diferentes. Xa levábamos bastantes meses sen traer un musical infantil a Burela e sempre que os trouxemos tivemos moi boa resposta de familias co auditorio practicamente cheo, entón tocaba agora. Estivemos valorando diferentes posibilidades de musical e este, que xurdiu en Andalucía e está de xira por Galicia, parecíanos interesante”.
O director da Escola de Música burelesa, Xan Carballal, referiuse á presenza en Burela da Compañía Nacional de Danza de Ucrania: “a verdade é que é un revulsivo a nivel musical e de danza porque normalmente non estamos afeitos a ver a agrupacións desta calidade. Hai que ter en conta que dentro do amplo abano que hai nestes países sobre este tipo de danzas, en Ucraína, Rusia, Polonia, Bulgaria ou Romanía, son todos espectaculares, pero este en concreto polo que teño entendido a verdade é que se pode dicir que se sae. Entón un espectáculo destes que non se soen ver pola zona, igual que outras cousas que se teñen programado na Concellería de Cultura de Burela, creo que merece a pena apoiar coa nosa presenza”.
Carballal engadiu que “hai que darse conta, e supoño que todo o público así o fará, que realmente o virtuosismo que teñen estes ballets ven motivado polo virtuosismo en si non soamente de danza senón da música na que se mestura a música zíngara, armenia, e máis asiática, por tradición basean todas as cousas que fan nun nivel técnico ao que non estamos acostumados en occidente. Por ese motivo aos rapaces da Escola de Música sempre lles aconsello que vaian porque é importante que vexamos outra forma de entender a danza tradicional e tamén a música, e iso contribúe á formación integral do alumno. O público que se achegue a Burela poderá gozar dun espectáculo destes onde hai un corpo de baile formado de mulleres e homes e un elenco tan importante como este que nos vai visitar, creo que vai ser unha hora e media inesquecible. É algo que debemos ter en conta para un día tan sinalado como o 25 de decembro, e poder disfrutar deste espectáculo”.
Xa están á venda as entradas para asistir aos espectáculos programados pola concellería de Cultura de Burela para o nadal
Relacionado
-
Lourenzá acolle este mércores a actividade “Xogando a aprender: Seguridade Viaria” na Praza do Conde Santo
-
A Xunta instala 27 paneis divulgativos para informar e sensibilizar á cidadanía sobre o risco de inundación en distintos puntos dos ríos Fontecova, Trasposta e Pe de Boi, en Viveiro
-
O Mercado Medieval de Mondoñedo volve do 7 ao 9 de agosto
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
