Ribadeo, 7 de novembro de 2019. O Concello de Ribadeo ofreceu unha recepción a Iván Lindín Rodil pola medalla de ouro conseguida en R1 e pola medalla de prata en R3 acadada no Campionato de España de Tiro Olímpico, que se celebrou en La Rioja. O alcalde, Fernando Suárez, e o concelleiro de Deportes, Jorge Díaz, destacaron os éxitos conseguidos nos últimos anos por este deportista ribadense, ao que lle entregaron unha reprodución da fachada da Casa do Concello. Iván Lindín agradeceu o acto.
O rexedor ribadense salientou que “xa é un clásico recibir a Iván Lindín con todos estes recoñecementos que merece por varios motivos, por unha banda polo esforzo abnegado do que é este deporte concreto. Trátase dun deporte que require moita concentración, moito entreno, unha técnica moi alta, non vale ser moi bo, hai que ser o mellor ou dos mellores, e iso hai moi poucos, iso pódese alcanzar nun momento da vida pero durante varios anos manter ese nivel, hai moi poucas persoas que o poden facer. Dicir que por outra banda o esforzo ven tamén porque é un deporte minoritario. Sabemos, porque Iván sempre nolo di, das dificultades para adestrar, hai poucos lugares adecuados para iso. Nosoutros desde o Concello facemos o que podemos, seguro que podemos facer máis, supoño que algo poderemos mellorar no futuro, pero non o podo garantir. Eu sei que Iván ten o noso compromiso no que estea na nosa man de intentar facelo porque merece todo isto e moito máis. Quixemos facerlle un recoñecemento singular porque está moi ben o que facemos anualmente, que fixemos o outro día con todo o mundo, pero quixemos facerlle este singular porque o merece”.
O concelleiro de Deportes, Jorge Díaz, dixo que “este recoñecemento a Iván xa parece algo normal, unha recepción típica. Queremos darlle a noraboa por ser outra vez campión. Xa fora de carabina de 3×40 e de carabina de tendido. Queremos dignificar de novo a amplitude de variedade do deporte en Ribadeo. Para min Iván ten un mérito diferente ao resto por tan repetido e por tantos anos na elite seguido”.
O deportista Iván Lindín quixo “agradecer como sempre, o mesmo este detalle que calquera outra felicitación ou encomio. Practico un deporte moi minoritario, aquí non hai axudas, non hai nada. Se falamos de Ribadeo non hai nada cerca, todo está lonxe. Son moitos desprazamentos ao longo do ano, moitos viaxes, moito gasto de gasolina e moito gasto de hoteis. Pero como eu teño, non sei si a desgraza de que me guste moito isto, e como son cabezudo a máis non poder, pois sigo aí turra que turra”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
