Burela, 1 de novembro, 2019. Por fin chegou a recompensa merecida. O Pescados Rubén Burela FS conseguiu a primeira vitoria da elite, nesta xornada 7, fronte ao Servigroup Peñíscola FS (2-1) de Juanlu Alonso, e ademais puido brindala ao entregado público de Vista Alegre. Os pupilos de Juanma Marrube deixaron patente a fortaleza do grupo, con capacidade de sufrimento e traballo, nun bonito e intenso partido no que levaron sempre a iniciativa no marcador.
Os mariñáns conseguiron certa tranquilidade poñéndose por diante grazas ao penalti transformado por Matamoros, xa no minuto 5. Iso fíxolles moito dano aos valencianos, que viviron malos minutos, fronte á orde do Pescados Rubén, cun Edu moi acertado.
Mantiveron o plan os do Mariskal. Intentaron buscar a igualada os de Juanlu Alonso no reinicio presionando ante a coidadosa defensa burelista. A Bancada Laranxa levantouse no 25 cunha magnífica actuación entre Álex e Mata que acabou coa tentativa de Renato fronte a Molina. O meta vistitante volveu frear as intencións locais, no 27, cunha man prodixiosa ante Everton; antes o pau freara o empate. E cando restaban 5’50” para o final de novo Everton recibiu un balón de Edu para deixar atrás a toda a defensa do Peñíscola e superar a Molina, por fin, para estalido da Bomboneira. Decidiu Juanlu Alonso saír con xogo de cinco, con Josiko. Tras a segunda amarela a Tuli, no 37, Pope tivo o terceiro fronte a Molina, sen éxito. Rubén Orzáez aproveitou para reducir distancias, no 39, co regreso dos catro de Juanlu, conservando a aposta de porteiro xogador. De novo tívoa Pope a pase de Matamoros, repetíndose o guión fronte ao porteiro visitante, cuns segundos finais de grande emoción.
Ficha técnica
Pescados Rubén Burela FS: Edu, Luisma, Juanfran, Pope, Everton, cinco inicial; tamén xogaron Lucho, Matamoros, Renato, Álex Diz, R. Vargas, Joselito
Servigroup Peñíscola FS: Molina, Isi, Dani Montes, Xavi Cols, Josiko, cinco inicial; tamén xogaron Miguel Fernández, Raúl Gómez, Rubén Orzáez, Mati Starna, Paniagua, Hugo
Goles: 1-0, minuto 5, Matamoros (penalti); 2-0, minuto 35, Everton; 2-1, minuto 39, Rubén Orzáez
Árbitros: Moreno Durán // Del Pozo García. Por Burela, amarela a Lucho (minuto 23). Por Peñíscola dobre amarela a Tuli (minuto 5 e 37), Molina (37), Isi (minuto 40)
Incidencias: Partido correspondente á xornada 7 de Primeira LNFS disputado en Vista Alegre uns 900 espectadores/as.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
