Burela, a 29 de novembro de 2019.- O presidente do PP de Burela, Manuel Rouco, lamenta que o Bloque Nacionalista Galego “non teña máis altura de miras” e “non sexa capaz de priorizar os intereses de Burela aos do partido”. O popular recoñece publicamente “que agardaba algo máis dos nacionalistas, cando son coñecedores, di, do descontento que existe coa xestión do goberno socialista”.
“Temos que recoñecer que pensabamos que ían deixar de lado o sectarismo que os caracteriza, porque entendemos que todos os grupos que concorremos ás eleccións facémolo para servir aos nosos veciños, incluso por riba das siglas políticas. Comprobamos que non é así. Néganse a sentarse co PP para buscar a estabilidade gobernamental. Dende logo, ao Grupo que represento isto é o único que lle importa”, afirma Rouco.
“Un paso adiante”
Os populares, destaca, “demos un paso adiante, intentando establecer contactos co BNG, co único fin de acabar coa parálise que temos en Burela”. “O PSOE creou o slogan Burela Bonita, pero dende logo isto non se notou na mellora e creación de servizos. E o Bloque Nacionalista Galego sábeo. Máis que Burela Bonita, o que temos é unha Burela na que non se fixo nada nos últimos anos; unha Burela estancada; unha Burela de escaparate, na que se abres a súa porta, non hai nada que interese; unha Burela sen oportunidades; e unha Burela desaproveitada, a pesares dos potenciais que temos, como pode ser o porto ou o turismo”, insiste.
Convite “a repensar” a postura do BNG
Con todo, e dado que a investidura aínda non se produciu, Manuel Rouco convida ao BNG “a repensar a súa postura”. “Dende o PP estamos dispostos a chegar a un acordo que beneficie aos veciños. Seguimos ofrecendo diálogo e facémolo dende unha posición construtiva, non destrutiva como fan outros. Cremos que o estancamento do Concello ben merece a pena poñerlle freo e iso só pasa porque os grupos da oposición sexamos capaces de rachar cos estereotipos ou coas directrices que a algúns lles poidan dar dende a dirección do Partido”.
Neste senso, Rouco manifesta que “no Partido Popular témolo claro: se para que o noso pobo mellore é necesario establecer negociacións baixo un acordo de mínimos con outras forzas, farémolo. O futuro dependerá de se somos capaces de tender a man ou se, pola contra, di, preferimos ser cómplices do que xa hai e que pouco ou nada trouxo para Burela”.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
