Santiago de Compostela, 3 de decembro, 2019. O deputado mariñán do PP no Parlamento de Galicia, Daniel Vega, preguntará na sesión plenaria da cámara galega de mañá, mércores 4 de decembro, se o Goberno do Estado se puxo en contacto coa Xunta de Galicia para presentar algunha solución á problemática existente na factoría de Alcoa en San Cibrao.
A pregunta, para a súa resposta oral en Pleno, foi presentada polo trámite de urxencia ante “a necesidade de que o Goberno galego explique a súa posición sobre un tema de gran interese para a comarca da Mariña e, polo tanto, para a nosa Comunidade Autónoma”. E máis concretamente, “agora que o Goberno vén de aprobar o calendario e as características da poxa de interrompibilidade coa contía máis baixa da historia posta a disposición dos consumidores electrointensivos coma a planta de Alcoa en San Cibrao”.
Vega lamenta que, ademais de sacar a subasta unicamente 1.000 MW, o Goberno en funcións de Pedro Sánchez eliminou tamén os bloques de 40MW que son polos que poxan as grandes factorías españolas; polo que as obriga a competir por 200 bloques de 5MW cada un con todos os actores. “Isto pon nun grave risco á planta mariñá de Alcoa e aos máis de 2.000 postos de traballo da fábrica que representa o 30% do PIB da nosa provincia”, advirte o deputado popular.
Así mesmo, recorda Daniel Vega que “o Goberno de Sánchez segue sen aprobar o Estatuto do Consumidor Electrointensivo que ten como obxectivo o de axudar á industria a ser máis competitiva”. De feito, o popular sinala que “o problema que afecta á factoría de Alcoa en San Cibrao dende hai un ano é que non pode competir en igualdade de condicións que o resto da industria europea por mor dun prezo eléctrico elevado. E ante todos os sinais de alarma, o Goberno central non está a adoptar as medidas necesarias que só el pode adoptar para garantir o futuro da planta”.
O deputado popular no Parlamento de Galicia amósase preocupado ante a falta de medidas do Goberno porque cre que “o tempo se esgota” e lamenta que “non ofreza ningunha resposta nin tan sequera ás liñas básicas elaboradas pola Xunta de Galicia en consonancia coas demandas dos traballadores e do comité de empresa sobre os aspectos que debe recoller o Estatuto e que foron trasladadas aos distintos partidos políticos a nivel nacional”.
Daniel Vega preguntará no Parlamento de Galicia se o Goberno central ten trasladado á Xunta algunha proposta de solución para a planta de Alcoa en San Cibrao
Relacionado
-
Once retos clave para o futuro da pesca: conclusións da Interfederativa de Foz
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
