Mondoñedo, 10 de marzo, 2020. Correspondente a LNB NorLeste, o sábado 7 de marzo, disputouse no campo de fútbol “Viñas da Veiga” de Mondoñedo a décima xornada deste tradicional xogo-deporte que un puñado de amigos alá polo 2005 se propuxeron recuperar e hoxe en día e todo un logro.
Ainda que os derradeiros coletazos do antroido baixaron un pouquiño a participación, foi unha xornada concurrida donde se achegaron sesenta e oito participantes que viron en primeira liña (e padeceron en carne propia) como o sunami dos Carabullo de Ponte de Outeiro, pasaba arrasando a tódolos rivais sen contemplacións. Gañaron en tódalas categorías agás en infantís, na que este ano non presentan a naide.
En individuais repartíronse os postos deste xeito: primeiro Javi Morán como abandeirado cun pleno de vintecinco puntos, seguírono Charli e Albino a so un punto do gañador e Migho puxo outros vinte puntos que os levan a un total de noventa e tres, cos que, por riba de se afianzar no primeiro posto, acadan e igualan os Billardeiros Musicais ca mellor puntuación nunha xornada da LNB que dende a derradeira xornada da tempada 2015/2016 tiñan no seu poder os mariñáns.
En donas foi Irea (xoven promesa xa feita realidade) a dominadora da xornada superando a tódalas rivais ca súa acertada actuación, segunda foi Paula e terceira Chinita.
En infantís Marcos de Troitas Bravas da A Pontenova segue no seu camiño cara o título de liga, foi mais unha volta o gañador da xornada, segunda foi Aroa e terceiro Mateu.
Nun terreo, no que se puido xogar cas medidas regulamentarias de 50 x 20 m. era farto dificil acadar varados e non se rexistrou ningún esta tarde.
Xermán Viluba, presidente da asociación “O varal” e palanador dos Remourelle Bulls, fixo entrega aos gañadores das tartas de rigor e de un ”botelo”para o equipo gañador.
As clasificacións logo desta xornada quedan deste xeito:
Individual:
Charli (Carabullo) 208 p
Regueiro (Troit.Bravas) 200 p
Albino (Carabullo) 192 p
Manu Pozo (Bill.Musicais) 181 p
Daniel (Bill.Musicais) 179 p
David Navallo (Troit.Bravas) 179 p
Donas:
Geni (Bill.Musicais) 133 p
Paula (Chain.Cadaval) 128 p
Sara (Polka Miseria) 84 p
Equipos:
Carabullo 784 p
Billardeiros Musicais 755 p
Troitas Bravas 747 p.
Varados:
Chousa (Carabullo) 2
Charli (Carabullo) 1
Rubén (Chainzos-Cadaval) 1
A vindeira cita será o “Día das Estrelas 2020” que se traslada este ano a conferencia NorOeste, será en Carballo o 21 deste mes de marzo, donde se dean cita tódalas as estrelas da Billarda das tres actuais conferencias. Sorte a Billarda semepre!
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
