Lugo, 10 de xullo de 2020. O candidato ás eleccións autonómicas, Luís Álvarez mantivo este venres unha xuntanza cos representantes de Xuventudes Socialistas aos que emprazou “a ser embaixadores do motor do cambio en Galicia. Sodes o noso maior baluarte para impulsar o proxecto socialista e conseguir o domingo o cambio de goberno. Para que en Galicia se abran as fiestras e entre o aire fresco da rexeneración, da ética e da dignidade política”. Así o dixo nun acto no que estivo acompañado dos candidatos Rosana Rielo, Marina Doutón e Manuel Marey, e tamén dos deputados Ana Prieto e Javier Cerqueiro, así como do Secretario de Organización, José Antonio Quiroga.
Álvarez explicou “que este 12X Galicia necesita cambio para saír da crise pola esquerda, protexendo aos que máis dificultades teñen, e para que ninguén quede na cuneta”. Dixo que “por un voto decídese un goberno, decídese se Galicia avanza ou retrocede, porque non é o mesmo que goberne a dereita que a esquerda”. Nesa liña remarcou que “no ADN do PSOE, queda patente que en 140 anos de historia sempre buscou a oportunidade de transformar o país alá onde atopaba as situacións de máis desigualdade, e vós as Xuventudes Socialistas tedes que ser o impulso deste novo cambio que necesita Galicia”.
O candidato avanzou algunha das medidas que propón o PSdeG para a mocidade, como o Plan de Garantías Xuvenil, que incluirá dun xeito transversal medidas adicadas á formación profesional e universitaria das mozas e mozos; medidas de fomento do emprego e medidas de fomento de vivenda de aluguer xunto ao Plan Retorna para a mocidade, así como o plan de emancipación.
Propostas
No eido educativo, impulsaremos un programa para que non haxa Ningún escolar sen ordenador , e que faga posible a dispoñibilidade universal de recursos, con fórmulas de subsidio total ou parcial en función da renda familiar, para colaborar na formación presencial, no traballo escolar a domicilio e no seguimento de formación a distancia. Ademais dun Plan urxente de Ordenación e funcionamento dos centros educativos; Plan de Fortalecemento e Dixitalización Integral do Ensino; Desenvolveremos un Plan de Implantación Gradual de 1º Ciclo de Educación Infantil; Recuperaremos o programa de gratuidade de libros de texto nas etapas educativas obrigatorias; Fomentaremos a FP Dual; Impulsaremos a gratuidade da primeira matrícula en todos os títulos de graos do Sistema universitario de Galicia e poñeremos en marcha un sistema propio de axudas aos estudos de mestrado, entre outras.
Aumento de becas
Alejandro Trashorras, responsable de Xuventudes e candidato ás eleccións na provincia de Lugo, puxo en valor as medidas aprobadas polo Goberno de Pedro Sánchez en materia de becas. “Houbo un aumento no número de becas, impulsada por un goberno progresista que servirá como escudo compensador ante as consecuencias da COVID-19, e serán compatibles co Ingreso Mínimo Vital, reforzando así a equidade básica”, sinalou.
Lembrou ademais que os Goberno do PP aplicaron unha durísima política de recortes en educación que afectou tamén as becas a partir da reforma Wert de 2013, que supuxeron recortes de 1.500 millóns.
“O 12X precisamos dun Goberno que non escape dos problemas dos lucenses, precisamos dun goberno solidario, comprometido, realista, empático e que sexa capaz de atender e entender ás demandas da mocidade. Por iso, o único voto válido este domingo para impulsar un goberno de progreso en Galicia é a papeleta de Gonzalo Caballero”, resumiu.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
