Burela, 15 de setembro de 2020. O Concello de Burela organiza un obradoiro de xabóns artesanais e medicinais, que se celebrará este venres, 18 de setembro. A actividade enmárcase na programación da Semana Europea da Mobilidade, que da comezo mañá.
O obradoiro está pensado para adultos e é gratuíto. Terá lugar na Praza de Abastos e desenvolverase de 17:00 a 20:30 horas. As persoas interesadas poden inscribirse a través do número de teléfono 647 136 673. O número de prazas é limitado e para participar é necesario estar empadroad@ no Concello burelés.
Neste obradoiro elaboraranse distintos tipos de xabóns de xeito tradicional, tanto para o uso cosmético como para o fogar. Farase unha introdución ás plantas medicinais e ás súas propiedades, como ingrediente para a elaboración dos xabóns. Traballaranse distintas técnicas de decoración e tinguido e tamén o curado do xabón e as formas de uso.
O Concello de Burela tamén anuncia que as actividades de educación vial, programadas para o día 21 e 22, que ían celebrarse no IES Perdouro, terán que aprazarse debido a que se retrasa o comezo do curso. A charla de Educación Vial e o taller de Stop Accidentes están dirixidos a alumn@s da ESO e celebraranse en vindeiras datas.
Intensa semana
O programa da SEM dará comezo mañá, mércores, con dúas charlas sobre Educación Vial, impartidas por persoal da DXT, para alumnos de 4º de Primaria nos CEIP Virxe do Carme e Vista Alegre.
O xoves o Concello continuará coa súa campaña Garda os teus contactos, co fin de previr os contaxios de covid, en diferentes rúas da vila.
O venres, día 18, será o obradoiro de xabóns
O 19 entre as 10:30 e 13:30 horas desenvolverase a ruta xeolóxica Monte Castelo e para participar será necesario inscribirse. Ás 11:00 horas haberá un obradoiro de cartón na Biblioteca Municipal, onde previamente terán que anotarse as persoas interesadas.
O 20 de setembro de 8:00 a 20:00 horas a rúa Rosalía de Castro permanecerá cortada ao tráfico entre as interseccións das rúas Eijo Garay e Curros Enríquez. E ás 18:00 horas, no Auditorio Municipal, haberá cine infantil.
Ademais, durante toda a Semana Europea da Mobilidade, o Concello de Burela organiza un concurso de selfies no Instagram da Concellería de Medio Ambiente, baixo o lema Por unha mobilidade sen emisións. Entre todos os selfies que se suban sortearase unha cea, valorada en 100 euros, nun local de Burela. Tamén durante a SEM haberá un sistema gratuíto de préstamo de bicicletas eléctricas, na Praza do Concello, de 10:00 a 13:00 horas e de 17:00 a 20:00 horas.
Desde o equipo de goberno animan á cidadanía “a participar nas actividades da Semana Europea da Mobilidade, seguindo todas as indicacións e as medidas de seguridade postas en marcha para facerlle fronte ao covid-19”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
