A ATENCIÓN DO CONSELLEIRO DE SANIDADE.
Boa tarde.
-Fai un mes solicitei cita para vacunarme da gripe. Déronme cita para hoxe 17-11-2020 ás 11:13 horas.
Presentado no centro de saúde de Foz o día e a hora indicada non me vacunan alegando falta de vacunas para as persoas de menos de 65 anos. Curiosamente antes de min vacunan a unha persona 2 anos mais nova ca min.
Si dende fai un mes saben cantas persoas se van vacunar hoxe, si saben cantos deles teñen menos de 65 anos, e si saben o noso número de teléfono, por que non chaman con anterioridade para advertir da falla de vacunas?.
Pois moi sencillo, por que a sanidade pública non está o noso servizo, estamos nos ó servizo da sanidade pública.
Que lles importa que alguén teña que deixar o Traballo para irse vacunar, ou coller un taxi e desplazarse, ou vir do mar toda a noite e ir sin descansar ata o centro de saude. Elles igual, tamos a súa disposición.
-Despois temos a atención telefónica, a ver como lle explicas ó médico por teléfono os síntomas de algunha enfermidade como pode ser unhas manchas na pel, problemas de visión, dolor abdominal……, eso si se consigue que che collan o teléfono.
-Tamén temos o caso de que cando che piden unha proba, como pode ser unha resonancia magnética ou similar, che din “xa o chamaran por teléfono”, e ahí te quedas: non sabes si hai moita lista de espera, non tes ningún control sobre ela, nin podes saber cando te van chamar. Como si non tiveras máis vida que esperar pola chamada. Non podes organizar un viaxe largo, unhas vacacions, si o día que te chamen tiñas programada algunha actividade, non sabes o que tardarán en chamarte e si che será mellor ir á sanidade privada, si se pode.
Señor Conselleiro, a atención primaria está moi mal, con perdón, é unha merda. Non se pode tratar ós cidadans que pagan o sistema da maneira que se están a tratar, nin se pode ter unha atención tan deficiente como a que se está a dar.
Si pode e quere repare este desastre, e si non marche. Os cidadans da nosa terra merecen outra atención.
Un saudo.
Fdo.: José Francisco Ramalleira
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
