Foz, a 18 de novembro de 2020. O grupo municipal popular de Foz fai unha proposta que, ao seu xuízo, resolvería os problemas que se dan no Centro Social. O portavoz municipal do PP, Javier Castiñeira, explica: “Acabamos de escoitar en días pasados que o alcalde de Foz, o señor Francisco Cajoto, quere facer obras na primeira planta do centro social. Di que quere reubicar novamente alí o Fogar do Xubilado, que tiña problemas nesa planta: por un lado, problemas de humidades grandes, que se solventaron co goberno pasado impermeabilizando a fachada, e outros problemas de accesibilidade, propios dun local que non estaba preparado para ter un uso público nesa zona”.
Castiñeira declara: “Nós estamos de acordo en dar unha solución á asociación de xubilados, pero cremos tamén que debemos ser moito máis ambiciosos, no sentido de que as obras non deben facerse só na primeira planta senón tamén na planta baixa. Así, solucionaríanse todos os problemas e non habería que trasladar a ninguén. O que propón o PP é que se contemple a posibilidade de levar o Fogar dos Xubilados á planta baixa. Desta maneira xa terían varias terraza naturais, non habería que facelo na primeira planta nin se perdería ese espazo; abaixo, fronte ao parque infantil Conde de Fontao xa hai uns soportais que son ideais para poder poñer aí a terraza, e fronte ao porto están as beirarrúas que son amplas e se podería ter tamén terraza”.
Os populares din: “Desta maneira sería moito máis accesible o Fogar do Xubilado na planta baixa e moito máis atractivo para unha posible concesión. Así quedaría libre a planta alta e nela, unha vez despexada, poderían acondicionarse dos locais, un para a asociación Virxe do Carme e outro para usos múltiples, que podería albergar as actividades que se facían antes. Esa é a proposta do PP: máis ambiciosa e que soluciona dunha vez por todas o problemas que teñen tanto os xubilados como a asociación Virxe do Carme. O PP bríndase, como sempre, a colaborar”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
